Ако вие чувствувате болка, тогаш веројатно е дека и тој го чувствува истото!
Болката за време на сексуалниот однос може да биде предизвикана од физички или психички проблеми. Проблемот понекогаш може да биде многу лесно решлив, како на пример промена на врстата на презервативот или пак со добра предигра. Но, не секогаш ситуацијата е едноставна. Еве неколку причини зошто мажите и жените чувствуваат болка за време на сексуалниот чин и на кој начин таа болка може да ја елиминирате.
КОГА МАЖОТ ЧУВСТВУВА БОЛКА?
Болката што мажот ја чувствува за време на секс се појавува за време на ерекција или ејакулација. Болката најчесто е предизвикана од инфекција или непријатна иритација. Болката за време на ејакулацијата може да биде предизвикана од иритација на мочниот канал (уретра) или воспаление на простатата.
Болката за време на ерекција може да биде предизвикана од сексуално пренослива болест како што е гениталниот херпес. Воспалението и затегнувањето на препуциумот (кожата на врвот на пенисот) исто така може да доведе до голема болка. Ако се појави инфекција, антибиотиците би требало да ја елиминираат.
КОГА ЖЕНАТА ЧУВСТВУВА БОЛКА?
Жените најчесто доживуваат болка за време на сексот поради сувост на вагината што го чувствуваат двајцата партнери за време на пенетрацијата. Кога жената се возбудува вагината исцедува течност која има функција како лубрикант. Ако секрецијата не е доволна, сексот може да биде непријатен, па дури и болен и за двајцата партнери. Абнормалната секреција може да се појави како последица од незадоволителна предигра или неправилен баланс на хормони.
Овој проблем може да биде решен со употреба на соодветен лубрикант. Препорачливо е да употребувате лубриканти само на база на вода затоа што другите видови може лесно да ги оштетат презервативите и да предизвикаат вагинална инфекција.
