Ако едниот партнер постојано моли или го наговара другиот за секс, тоа значи дека сексуалните желби не се взаемни.
На почетокот на секоја врска, сексот е одличен. Со текот на време или станува се подобар или пак, сексуалниот живот почнува полека да венее. Сте се запрашале ли што довело до таква состојба? И што може да направите за да го подобрите сексот?
Кои се најчестите причини кои влијаат врз вашиот сексуален живот?
Лош љубовник
Лош љубовник значи таков партнер кој гледа само да се задоволи себе и нема интерес за вашите потреби. Можеби само сте налетале на еден од оние, кој не се грижат за вашите потреби. Или треба сериозно да разговарате со вашиот партнер или можеби е време да се обратите кај некој друг, кој ќе има многу поголем интерес за вашите потреби отколку за неговите.
Наговарање
Ако едниот партнер постојано моли или го наговара другиот за секс, тоа значи дека сексуалните желби не се взаемни. Можеби проблемот е во тоа што партнерите си здодеале па сето тоа води кон лош секс во кој што не уживаат и двајцата. Во такви моменти, едниот принудно има секс, за неговиот партнер да не се почувствува очајно или навредено. Чести изговори се главоболките, болките во стомак, лошото расположение...
Оптеретување
Најчесто, оптеретувањето за сексуалниот живот на другите, е предиспозиција за лош секс. Споредувањето на сопствените сексуални активности со оние на пријателите не е најдобар пристап за подобрување на сексот. Сите имаат различен вкус кога станува збор за сексот. Затоа, не се натпреварувајте со другите и уживајте во сексот со вашиот партнер без да ве загрижува какво е сексуалното искуство на останатите.
Рутина
Постојано истите пози, истата предигра, истите зборови... Навиката која сте ја стекнале со партнерот води кон лош секс. Не треба да го сфаќате сексот како задоволување на потребата, туку напротив, треба во него да уживате, да се поврзете со партнерот и да почувствувате среќа. Затоа експериментирајте постојано.
