.gif)
Пред некој ден пријателката ми се пожали дека не сака да оди на викенд со момчето бидејќи се плаши врската да не ѝ стане здодевна. Доволно е што беа заедно на одмор цели 20 дена, гледање секоја вечер, па сега и викенд со него е премногу.
Е па, драги мои, формулата како во бајките среќни до крајот на животот не функционира во реалноста. Повеќе би рекле дека функционира формулата среќни додека е забавно. Сé се завршува штом на забавата ѝ дојде крај.
За поздрав е тоа што се трудите да не се доведете во ситуација сексот сам со себе да стане поинтересен отколку со партнерот. Но, работата е тоа што не мора да бегате од него за да ја одржувате врската свежа.
Постојат неколку брзи решенија за тоа како да излезете од монотонија и повторно да сакате да се вратите на долгата патека.
Не живејте по клишето за идеален сексуален живот!
Ниту една девојка нема да признае дека има проблеми во креветот и дека сексот почнал да станува здодевен. Група пријателки седнале во едно од кафулињата на ул.Македонија. На дневен ред нормално е омилената тема, МАЖИТЕ.
Секоја се фали како нејзиниот секс е најдобар, како партнерот комплетно знае да ја задоволи, колку е забавен и инвентивен во креветот, како добро лиже, секогаш му текнуваат интересни секс-пози... за на крајот да слушнете изјава: „Ама јас не сакам да одам со него на одмор!".
Зошто да не сакаш? Па нели ти е најубаво на свет? Кој е тој што не би сакал да искористи десет, па макар бил и еден ден, насамо со својот идеален партнер?
Во оној момент кога ќе престанете да се залажувате дека имате идеален секс живот и кога ќе почнете да експериментирате со тоа штом вам ви се допаѓа, тоа што ве пали вас и партнерот, тогаш работите ќе тргнат во вистински правец.
Не опседнувајте се со тоа колку ве сака!
Супер ќе беше да можевте да земете кантар и да измерите кој кого повеќе сака. Сигурно мислите дека тоа сте вие, вие секогаш правите поголема жртва, вие сте таа што се труди, вие го организирате времето според него за да можете да се гледате...
Сега почнувам да се уверувам во тезата дека ние жените навистина сме тешки за разбирање. Ги кочиме работите во врската од страв да не испадне дека сепак ние сме позаљубените. Кога давате некому љубов, не треба да очекувате за возврат исто количество.
Отворете ги очите и погледнете малку поубаво. Ако беше само до сексот, немаше да биде со вас толку долго, немаше да се смешка додека ве гледа како ги лакирате ноктите, немаше да ве допира без причина, немаше да ја менува бојата на гласот секогаш кога се карате, немаше да се гади кога ќе му се појавевте со недепилирани нозе...
Не бидете секс-робот!
Сексот е тоа од што треба да тргнете за да ја изведете врската од стандардната рутина. Паровите што со години се во врска почнуваат да се претвораат во секс-роботи. Буквално може да ги пуштат телата и тие сами да си ја завршат работата.
Како програмирани, секој знае како, каде и кога да допре, како да се намести и за помалку од 15 минути процесот завршил, потоа секој по својот пат.
Доволно е само да смените локација и нештата ќе добијат нова смисла. Истите допири, истите тела, истата поза, но сепак во нова димензија. Седите во ресторан и одеднаш вие под маса ја ставате раката во неговите панталони. Излезени сте со друштво и вие ги напуштате на кратко бидејќи ве чека секс-партија во автомобил.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
