NotForMen

Секој има свое минато. Сите сакаат да се фалат со него, особено ако е богато со успеси и достигнувања. Работите на кои не сте баш горди, ги оставате токму таму, во минатото. Навистина, искуството ве направило тоа што сте денес, но не секогаш треба да се зборува за тоа.

Порано или подоцна, тој ќе ви го постави прашањето за минатото. Некои моменти без размислување би ги споделиле, всушност и нема потреба да ве прашува за нив. Има и такви кои знаете дека е подобро да останат во историјата бидејќи може да направат да се повтори.

Доколку тешко ви оди да одредите кое во која категорија би влегло, следете го нашиот водич за тоа што треба да премолчите пред вашата нова љубов.

Стандардното прашање - Со колку партнери си била?

Бегајте од него како од чума. Никако не кажувајте одговор. Одговорете преку шала, кажувајќи му дека тоа не е важно кога веќе сте го нашле или дека тој ви е прв. Ако бројката е мала не е толку страшно, освен што може да си помисли дека сте недоволно искусна. Проблемот е ако сте имале повеќе партнери, веднаш ќе помисли дека сте лесна.

Поранешни врски.

Секој дечко со цел да ве запознае и да сфати со каква девојка си има работа, ќе ве праша за вашата претходна врска. Информациите секогаш давајте ги постепено и без ситници. За почеток можете да го кажете само името на бившиот. Подоцна можете да спомнете колку време сте биле со него или како сте се запознале но, не и како сте раскинале. Не дозволувајте да дознае за вашите маани без да ги почувствува сам. Во спротивно ќе го наведете да реагира на нив како претходниот.

Скриено минато.

Секој прави грешки со кои не се гордее, но таков е животот. Можеби сте имале некое несекојдневно искуство на кое секогаш се смеете со другарките, но за почеток не би требало да му се отварате до тој степен. Многу лесно може да создаде погрешна слика за вас, иако тоа ви се случило еднаш во животот. Пример ако е спортски тип кој води здрав живот, не кажувајте за вечерите кога другарките ве трезнеа. Нормално дека вие не се пијаните секоја вечер, но тој веднаш може да се разочара.

Сексуално искуство.

Ова е тема за со вашите пријателки. Воопшто нема да му биде пријатно да слуша за се што сте доживеале со други. Ако воопшто остане со вас, секогаш додека имате секс ќе му текнува на моментите кои ги изнесовте и ќе се натпреварува со духови. Освен што не ви личи да зборувате за тоа, па и сто години да сте заедно, ќе ви биде многу незгодно ако и тој почне да ги открива своите сексуални тајни.

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...