.gif)
Зарем жените навистина се вистински давежи што само знаат да контролираат и да забораваат на забавата? Мислам дека никој нема да се согласи со ова. Точно е дека полесно се приврзуваме и сакаме кога работите ни се на чисто, но тоа не значи дека сме луди по контролирање.
Од каде верувањето дека жените само сакаат да управуваат со машкиот живот и да ја ограничат нивната слобода? Секако дека постојат ретки случаи на љубоморни и посесивни жени, но тоа не нé прави сите исти. Женското испрашување речиси секогаш е со повод, затоа не ги признаваме машките тврдења:
Прво тврдење: Ние мажите сакаме да правиме што сакаме и кога сакаме без да должиме некому објаснување. Кога жена ќе се појави на сцена, одеднаш мора да објаснуваш зошто ќе одиш со пријателите на пиво.
Слободата... е една од најчестите причини поради која мажите се плашат да се врзат. Делењето на креветот треба да значи и делење на информациите. Што ќе се случи со врската ако секој си тера по своето и не се заморува за чувствата и мислењето за другиот. Ако тој слободата ја става под знак прашалник, тогаш воопшто не е подготвен за врска и сé уште сака да шета.
Второ тврдење: Сетете се на филмот „Како да изгубиш момче за 10 дена", човекот се мрдна кога девојката почна да ја кити неговата спална со мечиња, а тоалетот со розови черги. Уште од сега си знам дека кога ќе се оженам, станот ќе биде наместен по нејзин вкус.
Окупирање на просторот... Мажите често се жалат дека штом жена влезе в куќа, повеќе нема место за фрлање алишта по подот или чување алати среде соба. И кога тој би дошол да живее кај вас, нештата ќе се променат и ќе мора да се адаптирате на уште еден човек во собата. Во секој случај не губат само тие.
Трето тврдење... Штом забегаш со една долго време, тогаш заборави на авантури и секс со друга.
Доколку некој навистина не може да се откаже од останатите потенцијални девојки, тогаш залудно се трудите да туркате сериозна врска. Па и вие се откажувате од сите останати мажи во светот за да бидете со еден. Тоа значи дека сте ја поминале фазата на истражување на опциите и сте сфатиле дека тој е најдобриот.
Четврто тврдење... Кога мислев дека можам да градам иднина со девојката, се изгорев и повеќе не им верувам на жените, а камоли да се врзам за една.
Ова до некаде може да се толерира бидејќи секој човек се плаши од втор неуспех. Но од друга страна не може некој да суди за вас врз основа на туѓи постапки. Генералните заклучоци за односите маж-жена никогаш не важат. Секоја врска има свои предности и недостатоци.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
