.gif)
Љубовта не е едноставна како пламенот на свеќата. Таа е бескрајна димензија, делива, но колку и да ја делиш останува иста. Нашето срце има поголем капацитет на љубов отколку што мислиме.
Секоја врска, доживување, сите сретнувања што нé прават да бидеме тоа што сме денес, бледнеат пред вистинската љубов која не знае за граници. Да сакаш вистински и да добиваш со иста мера, значи да љубиш! Човек може да прави што било со повеќе личности, дури и да мисли дека е возможно да сака двајца,тројца или повеќе, но...
Од вас зависи што ќе одлучите!
Искрено, тешко е да најдете сé во една личност. Ако почувствувате дека сте вљубени во две различни личности, тоа не значи дека треба и да дејствувате, да ја поделите љубовта со двајца. Но, што ако навистина силно сте вљубени во две личности? Можете ли да бидете среќни кога срцето е преполно со толку многу љубов. Иста привлечност, перфектен секс и со двајцата, различни карактери, спој од карактеристики што ги има едниот, а ги нема другиот, двете како да се надополнуваат со особините што би ги посакало секое женско.
Срцето е моќно, но умот ќе триумфира. Штом ги разберете своите емоции, од вас зависи што ќе одлучите!
Заблуда!!!
Да сакаш двајца со иста силина во исто време е невозможно. Може да се случи да сакате некој долго време, на кого ништо лошо не би му направиле, некој што заслужил искрена љубов од ваша страна. Но, во вашиот живот случајно се појавува друга личност која додека ја запознававте, бевте сосема сигурни дека го сакате човекот со кој сте во врска.
Но, по некое време, вашите мисли, соништа, планови, желби за слушање на гласот на новата личност се зголеми. Почнувате да се сомневате во својата љубов кон човекот со кого сте бидејќи полека, но сигурно се заљубувате во новата личност. Возбудата лесно преминува во заљубеност.
Мечтателно привлечени, посакувате да го почувствувате под прсти. Во периодот на дилема, не можете да се одлучите на тоа да изгубите еден од нив, бидејќи едниот го сакате долго време и ја гледате иднината само со него, но сега не сакате ни да помислите да ја изгубите новата личност. Е во таква ситуација може да се стекне впечаток дека двајцата ги сакате, но оној со кого заспивате во главата и кој сакате да го видите наутро пред вас, по кого копнеете, дефинитивно е човекот што го сакате. Едниот е или избледена љубов или заблуда!
Совет!
Доколку сте сигурни дека не сакате да го изгубите тој со кого сте во врска, тогаш ќе мора да преземете нешто со новата личност. Не мора да ја изгубите засекогаш, но најдобро ќе биде да ги оладите односите, а тоа подразбира поретки состанувања, намалена комуникација и слично. Така можете и да ја тестирате својата љубов кон него. Ако за брзо време таа избледи и ако жарот што го чувствувавте до пред извесно време згасне, тогаш тука ни најмалку не станува збор за љубов.
Додека, пак, ако во никој случај не сакате да се одделите од новата личност, ако е тој вистинскиот, оној по кој копнеете, тогаш веднаш раскинете ја врската во која сте моментно, бидејќи, во спротивно, таа ќе премине во обврска што ве измачува и вас и вашиот партнер, а не ви причинува никакво задоволство и не ве прави среќни.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
