Камо да можевме да гледаме селективно на минатото. Да ги паметиме убавите работи, а лошите да ги забораваме. За жал човек секогаш памети по лошо. Ваквата појава најмногу ја има во врските.
Без разлика дали се работи за неверство, поранешно момче, љубомора или обична ситница од секојдневието, непреболеното минато во никој случај не може позитивно да влијае на врската. Одново и одново се отвораат стари рани во тазе караниците.
Да, за некои рани треба време за да се излекуваат, но тој ден кога тогаш мора да дојде, во спротивно врската ќе биде само средба во која секој ќе се жали и ќе префрла за минатото.
Сања 27, Не може да не живееме во минатото... секогаш кога ќе го прекорам за нешто ми вели дека немам право на тој коментар бидејќи во минатото и јас истото сум го правела. Епа, во ред е ако живееме за тоа да си вратиме еден на друг!
Бобан 29, Во ред е кога таа ќе спомне некои грешки што јас сум ги сторил, но ако јас решам да спомнам дека и таа сторила нешто што ме повредило, тогаш излегува дека јас само глумам дека сум и простил, а всушност сакам да имам со што да и вратам.
Еве вака изгледа препирањето на пар кој се гуши и не може да исплива од минатото. Ако се пронајдовте и вие во муабетот, време е да сторите нешто.
Или земи или остави...
Има разлика од пар до пар. Ако некоја девојка пати за извинување, на друга и треба многу повеќе...одмазда ви звучи познато? Епа девојки решете се, ако добивте извинување или уживавте во одмаздата немате право на реприза. Ако тоа е малку за вас тогаш вие не дека не можете, туку не сакате да му простите. Можеби треба да размислите за раскинување. Не оди постојано да му префрлате за истата работа која и да сака не може да ја смени.
Виновникот може да помогне...
Партнерот што згрешил има поголема одговорност да ја врати врската во нормала. Тој мора да покаже разбирање секогаш кога тагата и емоциите од минатото ќе завладеат. Утехата и ветувањето дека истото нема да се повтори е добро за да се тргне чекор напред. Причинителот на грешката нема право на жалба, а уште помалку да зборува за тоа како се чувствува. Тој е осуден да трпи. Сепак ништо не е премногу кога се работи за љубов.
