Обидете се на вашиот прв состанок да одите со план за тоа како ќе се однесувате и што ќе правите. Имате многу дилеми за тоа како треба да изгледа вашиот прв состанок...што не смеете да правите и како да ги протолкувате сигналите на партнерот со кој сте излезени. Еве неколку важни правила што ќе ви помогнат вашиот прв состанок со момчето кое пред некое време го запознавте да биде совршен:
Внесете оптимизам
Ништо не е попривлечно од личност која е задоволна од својот живот и е добро расположена. Позитивниот став е клуч до успехот, а насмевката е заразна. Од друга страна, никој не сака да излегува со некој што е цела вечер намуртен.
Бидете едноставни
Ако земете во предвид дека за личноста со која сте се нашле не знаете ништо повеќе освен дека ви се допаѓа, најдобро е на почетокот да се лимитирате на едноставноста. Најдете се на кафе, тоа ќе ви помогне да започнете полека, да ја заинтересирате и да дознаете некои основни работи кои може да ви бидат од корист за наредниот состанок. И немојте да се правите пред него нешто сто не сте само за да го воодушевите, бидејќи за кратко време тој ќе ја забележи вашата глума и нормално тоа нема да му се допадне.
Не зборувајте за бившите
Секогаш кога ќе дојдете до таа тема да разговарате за бившите партнери, ако можете одговорете кратко и не се задржувајте многу на таа тема. Не откривајте премногу информации бидејќи е прерано. Деталите зачувајте ги за подоцна, ако меѓу вас се развие нешто подлабоко.
Дозволете му тој да каже нешто
Монолозите ретко се добредојдени, особено на првиот состанок. А ако тој не може да дојде до збор од вас, тогаш ќе мора да заборавите на следната средба.
Сексот не е дозволен
Сексот на првиот состанок не е пожелен. Прво, за да не добие впечаток дека сте лесна девојка со која не може да планира долги патеки. Второ, не е убаво се да испробате уште првиот ден, а и на вашето ново момче оставете му простор да мисли и копнее за нешто до следната средба.
