СМС-пораките погрешно се интерпретираат под влијание на моменталното расположение
СМС - пораките се навистина добар начин да ја одбиете поканата за состанок кога не сакате да го повредите културното и внимателно момче. Добри се и за ситуациите кога немате храброст да се соочите со неговиот глас.
Можеби ќе ве сметаат за девојка без доволно храброст, но и пораката е некаков знак, таа има значење...на крајот на краиштата подобро нешто отколку ништо, нели? Факт е дека новите начини за комуникација не направија похрабри девојки во пристапот, но кога велиме дека не е време за покажување храброст?
- забрана: КОГА СТЕ ЛУТИ!
Не е тука пред вас за да ве стопи со својот нежен поглед. Во главата ви се само лошите импресии што го будат ѕверот во вас. И што правите? Со неверојатна брзина куцате порака не размислувајќи многу за тежината на пишаните зборови. Следниот пат воздржете се! Еве еден проверен трик: напишете ја пораката и наместо на копчето send, притиснете на delete. Пробајте, чувството е подеднакво олеснувачко.
- забрана: КОГА ВЕЌЕ ПРАТИВТЕ ЕДНА!
Дојде моментот кога решивте да му изјавите љубов преку порака, го сторивте тоа и башка добивте позитивен одговор од другата страна. Тоа е тоа, работата е завршена вратете го телефонот во чантата. Што??? Помислувате да пратите уште една? Делот дека вие го сакате уште повеќе навистина штрчи. Не е време за натпреварот КОЈ КОГО ПОВЕЌЕ САКА, посебно не ако се знаете само една недела.
- забрана: КОГА САКАТЕ ДА СЕ ПОШЕГУВАТЕ!
Пораките ги толкуваме според моменталното расположение. Момчето ви праќа заканувачка порака, но вашето добро расположение влијае да не ја сфатите сериозно, напротив му се јавувате и правите шала од содржината. Пораките се осетлива работа затоа бидете внимателни особено кога сакате да се пошегувате на негова сметка. Ништо чудно тој да помисли дека сте цинична и дека сакате да го омаловажите.
- забрана: КОГА СТЕ ПИЈАНА!
Дека ќе утнете едно сто букви не е толку страшно, но ако напишете нешто што никогаш не би го кажале кога би биле трезни е тогаш веќе имаме проблем...ќе треба да се соочувате со непотребен срам. Работите навистина може да тргнат наопаку ако прерано изјавите љубов под дејство на „пијаните" хормони, или пак, ако кажете дека навистина не е фер што ве остава да го чекате неговиот повик. Ќе испаднете очајна девојка што се плаши да се соочи со фактите.
- забрана: ПОСЛЕ ПРВИОТ СОСТАНОК!
Да, знаеме дека летате во облаци и дека со тешко срце се одделивте од него и дека илјадници пораки не се доволно за да му напишете како се чувствувате, но во моментот не ви е потребна ниту една. „Ти благодарам за убавиот состанок, се надевам дека ќе го повториме за брзо време", на ова можете да се надевате дека ќе го добиете, но не и да го пратите. Држете се до втемелените правила, верувајте дека успеваат, се додека сте искрени пред себе дека состанокот навистина беше волшебен за двајцата.
