Чувството како да летаме во облаци и се наоѓаме некаде во рајот е она што доаѓа со пеперутките во стомакот
Мистеријата за привлекувањето меѓу луѓето е се уште нерешена. Нема одговор на прашањето зошто некој толку многу не привлекува, а зошто некој не. Тешко наоѓаме објаснување за пеперутките во стомакот, насмевките до уши, еротската привлечност, страста и радоста кога сме со тој што го сакаме.
Дали е во прашање Аморовата стрела, чиста хемија, визуелна сензација, психолошка или хормонска реакција? Кога ќе се заљубиме, имаме само една мисла...Саканиот. Расеаност, изгубеност...некој чуден вид на пијанство. Тоа што ни се случува во стомакот е од целиот третман кој му го даваме на нашето тело како последица на тоа што сме среќни. Чувството како да летаме во облаци и се наоѓаме некаде во рајот е она што доаѓа со пеперутките во стомакот. Тие се развиваат исто како и вистинските пеперутки. Прво се гасеници кои нежно не чешкаат, а по сите оние убави бакнежи, милувања и останатите убави работи...гасениците се претвараат во пеперутки и полетуваат. Резултатот е убав скокот и енергија што не тера да трчаме. Чувство што не сакаме да престане никогаш, секогаш кога ќе се случи.
КОГА ДОАЃААТ ПЕПЕРУТКИТЕ?
Пеперутките во стомакот доаѓаат со заљубеноста. Таа е онаа прва фаза, која речиси секогаш ја има на почетокот на некоја врска, кога едвај чекате да ја видите саканата личност, кога гледате низ стаклата на розовите очила и кога едноставно сте како мува без глава. Заљубеноста се состои од возбуда и страсти. Константно имате чувство на немир, треперење, немате концентрација за ништо друго, освен да сонувате со отворени очи, чувствувате како да лебдите, а кога ќе ја видите или чуете саканта личност, од глава до пети ви поминува некоја топла струја од која ви заруменуваат образите и усните и уште повеќе се растреперувате...
Што велат NOTFORMEN девојките за ЕФЕКТОТ НА ПЕПЕРУТКИТЕ?
Ана 20
Aх...пеперутки. Еднаш ги имам почувствувано.
Чудно чувство. Прекрасно. Занесно. Збунето. Трепет. Чувствував како да ме обвиткала некоја енергија која ме воздигнува, па паѓам, па лебдеам....занесот траеше долго. Уф..сакам пак.
Ирена 25
Тоа чувство го имам и само кога ќе помислам на некој, не мора да го видам за да летнат некои пеперутки. Таа возбуда не се опишува, само може да се почувствува. Во таков момент се здрвувам, чувствувам како нозете ми се кочат, не можам да изустам збор, а се трудам да го прикријам тоа (не знам колку ми успева).
Билјана 23
Пеперутки во стомаков имам и на самата помисла на него, а не па кога ќе го видам Нозе и раце ми се тресат кога треба да се јавам или кога ќе се јави .. за средбите да не зборувам Би сакала да може да ме види некој од страна и да ми каже како изгледам.
