.gif)
Малку љубомора во врска е делотворна. Покажувате дека ви значи и дека не ви е сеедно дали гледа по други жени или не. Но, премногу љубомора може да ви ја уништи врската. Од друга страна, не е здрава за вас. Постојано да се препотувате кога ќе ви каже дека ќе излегува со другарите или кога ќе ја спомне колешката од работа.
Ве разбираме дека го сакате и дека не е чудно и друга да сака да го има, затоа ве советуваме на време да научите да го совладате темпераментот, пред да биде доцна.
Чекор бр. 1: Прашајте друг за мислење.
Кога добивате наплив на љубомора во главата ви се вртат мислите со двеста на саат. Па почнувате да си правите приказна и се повеќе и повеќе се убедувате себе си дека сте во право и почнувате да верувате во тоа. Затоа или пробајте сами да се уверите дека сето тоа е плод на вашата фантазија или јавете и се на пријателката.
Зборувајте отворено, кажете и ги и најцрните мисли и сценарија кои ви поминуваат во глава. Додека ги кажувате на глас ќе сфатите колку сте смешна и колку сето тоа е банално. Пробајте заедно да ја пронајдете причината зошто секогаш така размислувате. Одговарајте искрено на прашањата, кажувајќи ги сите ситници. Доколку сте го изневериле, признајте, можеби се плашите дека ќе ве снајде истото.
Чекор бр. 2: Преиспитајте се.
Секогаш кога ќе почувствувате дека главата ви зоврива од љубомора, застанете пред огледало и разговарајте сами со себе. Соочувањето со вас самите е многу полезно за да се контролирате. Можеби минатото оставило некакви лузни на вас. Секогаш ве изневерувале и сега не можете да се опуштите и да верувате некому.
Љубомората ја потикнуваат и секојдневните проблеми. Стресот на работа, немањето доволно време да му се посветите може да роди сомнеж во вас дека ќе оди да бара внимание на друга страна. Направете резиме на вашата врска. Фокусирајте се на добрите работи, штом до сега сте дотуркале и покрај вашите неосновани прекорувања, значи човекот се труди да биде со вас.
Чекор бр. 3: Работете на самодовербата.
Да се разбереме, болната љубомора е ваш проблем. Колку и да ве убедува дека грешите, вие пак ќе си терате по своето. Затоа морате сами да излезете од проблемот. Сфатете дека од сите жени на планетата тој ве избрал вас, што значи за него сте подобра од сите.
Подобрете ја вашата самодоверба со тоа ште ќе си посветите внимание на изгледот, ќе ги правите омилените работи и ќе се дружите со позитивни луѓе. Сменете го ниското мислење за себе си дека некоја туку така може да се појави и да однесе се што сте граделе. Пробајте да се забавувате и насмејте и се на секоја жена која ќе помине покрај него.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
