Прекинот на врската за многумина е како возење на емоционален „roller coaster“ кој нема крај
Има ли нешто полошо од тоа да ве остави љубениот? Искрено- има, но во моментот кога некој ќе добие корпа, му се чини дека не постои ништо друго полошо од тоа. Некои почнуваат со уништување на заедничките спомени, некои плачат, добиваат нервни испади...но само едно нешто е сигурно. Сите ќе поминат низ следниве 5 пеколни фази:
- ПИЈАНСТВО ДО НЕСВЕСТ
Прекинот на врската за многумина е како возење на емоционален „roller coaster" кој нема крај. Поради недостиг од паметни решенија за излез од таквата ситуација, скршените срца се подложни на чести екстремни опивања. Од самата помисла на бившиот и сите заеднички мигови, алкохолот ви чини како единствен спас да заборавите.
- FACEBOOK-НАЈДОБАР НАЧИН СИТЕ ДА ДОЗНААТ
По неколку пијани ноќи, време е целиот свет да дознае за вашето патење, а најбрз, едноставен и најлесен начин да дознаат сите низ што поминувате е промената на статусот на Facebook од „ in relationship" во „ single". Но бидејќи тоа не е доволно, на статусот почнуваат да се појавуваа и зборови на омраза како што се на пример „се надевам дека никогаш повеќе нема да го видам тоа лице на кретен", а оние пак кои имаат проблем со пишување на лоши зборови, upload-ираат одмаздољубиви песни.
- НЕРВНИ ИСПАДИ
Со оглед на тоа дека патењето по саканата личност е неподносливо, а потребата за да му се изнавикате и да го навредувате бившиот партнер е голема и тешко можете да ја контролирате, следи хистеричен телефонски повик. Ова е плачливо - хистерично -драматична и навредувачки настроена фаза.
- АНАЛИЗИРАЊЕ НА ВРСКАТА СО ПРИЈАТЕЛКИТЕ
По вербалниот испад, доаѓа потребата од анализирање на секоја негова реченица и анализирање на секој момент од вашата врска...Во оваа фаза поминувате повторно преку целата врска, но овој пат со пријателките.
- ВПУШТАЊЕ ВО СЕКСУАЛНИ ОДНОСИ
Најлошото помина, па подготвени сте за нови познанства и авантури со спротивниот пол. Во оваа последна фаза, главно доаѓа до впуштање во сексуални односи со личности кои ви се малку познати, па затоа е важно да не заборавите да користите заштита. Како и да е, вечерта константно завршува со мислење на бившиот. Имајте почит кон себе, па барем немојте да преспивате кај некој кој што за вас е тотален странец.
