Вие сте паметни, секси, успешни млади дами кои паднале во мртвата зона на љубовни состаноци
Не го барате момчето од соништата, но никако да го најдете оној кој би ви одговарал. Тоа е проблем со кој се соочуваат многу девојки, па дури и оние независните и самоуверените: постојано гледаат како нивните пријателки си наоѓаат партнери и се спаруваат побрзо и од животните на бродот на дедо Ное. Добре дојдовте во клубот- вие сте паметни, секси, успешни млади дами кои паднале во мртвата зона на љубовни состаноци. Го запознавате потенцијалното момче, се гледате повремено, но тие излегувања не ви значат ништо посебно. Тоа се случува од најразлични причини. Еве зошто некои од нас запаѓаат во такви ситуации:
- ПРИЧИНА - Не ви е дојдено до лудување
Сетете се на своите излегувања со другарките на почетокот на 20-тите години од вашиот живот, кога лесно се заљубувавте и уште полесно влегувавте во врска. Секако тогаш повеќе се трудевте да се пронајдете себеси отколку вистинскиот маж. Додека се млади, жените сакаат да станат самостојни, да се докажат на работа и добро да се забавуваат. Но, кога ќе им се приближат на 30-тите, ваквиот начин на живеење се менува. Посакуваат сериозна врска што има смисла, а кога ќе погледнат околу себе им се чини дека добрите момци веќе ги нема.
- ПРИЧИНА - Уморни од потрага
После многуте излегувања, дотерувања, запознавањето нови момчиња и паничењето околу тоа дали ќе ви се јави наредниот ден, ужасно ве изморува. Ако жената доживее полно разочарувања, може да се случи да престане да го бара човекот кој ќе и одговара за да се заштити до новите кршења на срцето.
- ПРИЧИНА - Кој ја подигна границата?
Колку сте постари, толку сте поискусни и јасно ви е што сакате од партнерот. Точно знаете каков треба да биде вашиот иден партнер и се стремите да го пронајдете. Не посегнувате кон првиот кој ќе ви се испречи на патот. За работите да бидат уште покомплицирани, жените кои трагаат по сериозни врски не излегуваат со момчиња кои не им се рамноправни, духовно, финансиски па дури и по образование. А со тоа изборот додатно се намалува.
- ПРИЧИНА - Сериозен партнер
Додека вие со пријателките излегувате по отмени ресторани и учите да ги дегустирате вината, мажите на ваши години често се уште дремат по кафани и играат компјутерски игри. Жените кои се влезени во доцните 20ти бараат зрел партнер, но многу мажи на нивни години се уште не се подготвени за ништо сериозно.
- ПРИЧИНА - Со кој ќе излегувате?
Колку сте постари, толку повеќе вашите пријателки влегуваат во врски, а тоа значи дека помалку ќе ги гледате и многу често ќе бидете сама. Луѓето се оддалечуваат и географски и социјално, па на сингл девојките во доцните 20-ти се потешко наоѓаат пријателки со кои можат да излегуваат.
