Љубовта секогаш доаѓа во различен облик, но секоја остава траг.
Љубовта секогаш доаѓа во различен облик, но секоја остава траг. Сите, не ја доживуваат на ист начин. Луѓето меѓусебно се разликуваат, па така и нивната перцепција за љубовта е различна. Како ќе го изградиме односот со партнерот зависи од многу фактори. Постојат неколку постојани стилови на љубов:
Љубов како игра
Некои луѓе ја доживуваат љубовта како игра. Поентата е да си играте со чувствата на својот партнер. Овие личности сакаат да воспостават контрола врз својот партнер. Мудро планираат и пресметуваат, но често изневеруваат и лажат. Не им претставува тешкотија да најдат некој друг и да ги искористат неговите слаби точки.
Луда и длабока заљубеност
Љубовта за некои луѓе е страсна, интимна и интензивна. Во овој случај, таа има силна емотивна и сексуална компонента. Оние кои ќе ја искусат посакуваат да се што поблиску, емотивно и физички, до партнерот. Ја идеализираат љубовта и обично се многу чувствителни и благи.
Посесивна заљубеност
За некои личности да се биде заљубен, значи да се изгуби контролата во целост. Оваа љубов е во состојба да го промени животот на човекот и да го доведе до таа граница да го изгуби својот идентитет. Посесивната љубов, верно ја пратат љубомората, неразумните одлуки и ранливоста.
Мирна љубов
Се случува човек да доживее љубов на мирен и сталожен начин. Обично тогаш партнерите најпрво подобро се запознаваат, а дури потоа се впуштаат во врска. Љубовта ќе процвета ако заљубеноста е еднаква и од двете страни.
Заштитничка љубов
Заштитничката љубов подразбира да се однесуваме кон партнерот со доза на грижа и внимание. Таквите го чуваат својот партнер како да е мало дете, а нивната љубов е полна со внимание, грижа и чувства.
Логична љубов
Колку и да ви звучи неверојатно, постои и таков вид на љубов. Оние кои се водат според логиката во емотивното врзување, ги темелат своите одлуки пред се на здравиот разум. Воден според логиката, човекот внимателно и после долго размислување ќе го одбере идеалниот партнер за себе.
