NotForMen

Никој не сака да поверува дека врската станала насилна, но таков е случајот кај 1 од 4 жени.

Никој не сака да поверува дека врската станала насилна, но таков е случајот кај 1 од 4 жени. Емоционалното насилство ги повредува срцето и умот, остава лузни што тешко може да се излечат. Ако вашата врска станала отровна, побарајте ги знаците за емоционално насилство за да направите анализа.

КОНТРОЛА

Контролата претставува начин за диктирање на вашите постапки од страна на мажот. Контролата може да биде различна - емоционална, финансиска....Тој ќе го следи секој ваш чекор, секое ваше однесување и ќе направи да се чувствувате исплашено кога нема да го послушате. Може целосно да ве оддалечи од светот што вие го знаете.

ИЗОЛАЦИЈА

Вашето момче ќе сака да ве задржи само за себе, па затоа може да ви забрани да поминувате време со пријателите. На почетокот на врската ова може ќе ви изгледа романтично; ќе помислите дека тој е премногу вљубен во вас, па сака што повеќе време да поминувате заедно. Но, тој всушност сака да ве држи настрана од другите за да може да ги контролира вашите чекори.

ПОНИЖУВАЊЕ

Тој ја напаѓа вашата самопочит затоа што се плаши дека еден ден вие ќе го оставите. Сака да мислите дека не сте повеќе вредни за третманот што го добивате од него. Понижувањето може да направи да се чувствувате застрашено, ќе ја намали вашата самопочит и ќе направи да се чувствувате помалку вредни и покрај тоа што ви кажува дека ве сака и дека сте му потребни.

ЗАПРАШАЈТЕ СЕ!!!

Поставете си ги следниве прашања и одговорете искрено. Ако одговорот на повеќето прашања е позитивен, тогаш е време да ја прифатите вистината за вашата врска и да се обидете да си давате повеќе вредност на самата себеси.

• Дали често сте недоволно разбрани од страна на партнерот?

• Дали чувствувате дека нешто не е во ред со вас? Се чувствувате лошо, а не знаете зошто?

• Дали вашиот партнер речиси секогаш не се согласува со вас? Секоја мала дискусија завршува со голема кавга? Секогаш вие излегувате виновна?

• Дали се чувствувате обврзана да премолчите многу работи само за да го задржите мирот во врската? Често се наоѓате во ситуација да се борите против тоа што сакате да го кажете?

• Дали мислите дека се е ваша вина и дека ако успеете да ги поправите мааните во врската дека таа ќе биде успешна?

• Дали ги исполнувате сите сексуални барања на партнерот, иако вие тоа воопшто не го сакате?

• Дали вашиот партнер може да ги прифати сопствените грешки и слабости, или е премногу зафатен со коментирање на вашите грешки?

• Дали партнерот има целосна контрола врз вашиот социјален живот? Дали тој одлучува каде и со кога имате право да се дружите?

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...