Секој може да направи грешка. Кога прељубата ќе се случи еднаш и сосема неочекувано, може да остави големи траги.
Има голема разлика помеѓу еднократна прељуба и прељуба која се случува со месеци. Секој може да направи грешка. Кога прељубата ќе се случи еднаш и сосема неочекувано, може да остави големи траги. Не само на личноста која ја извршила прељубата, туку и на целата врска.
Претпоставувам дека милион пати сте ги чуле причините зошто треба да премолчите дека сте извршиле прељуба. Да се потсетиме уште еднаш.
НЕ БИДЕТЕ СЕБИЧНА
Добро, го изневеривте. Сега имате преголема грижа на совест и не можете навечер да спиете. Но, размислете два пати дали треба да му признаете. Ако му кажете, ќе си помогнете на себе, но него ќе му го скршите срцето и никогаш повеќе нема да ви верува. Затоа најдобро е да заборавите на се што се случило и да се погрижите никогаш повторно тоа да не се повтори.
НЕ МОЖЕТЕ ДА ГО ВРАТИТЕ ВРЕМЕТО НАНАЗАД
Можеби навечер не можете да заспиете од грижата на совест па најдобро решение според вас би било признанието. Но, првиот момент кога ќе го видите изгледот на неговото лице кога ќе му признаете, ќе сфатите дека не сте требале тоа да го направите. Не можете да го вратите времето, а верувајте дека признанието нема да ја промени целата ситуација. Може само повеќе да ја влоши.
НЕ ВИ ЗНАЧЕЛО НИШТО
Можеби сте го изневериле партнерот со средношколската симпатија или пак сте се напиле премногу па сте завршиле во кревет со некој друг што не е вашиот партнер. По целата случка сте сфатиле дека сте погрешиле и дека не било вредно да го менувате вашиот партнер со било кој. Можеби неверството ќе ви помогне да сфатите колку всушност го сакате вашето момче и колку не можете без него. Заборавете дека нешто се случило и продолжете со животот.
ЌЕ ВЕ ОСТАВИ
Кога партнерот ќе дознае дека друго машко ја бакнувал и милувал неговата сакана, верувајте дека неговото его и гордост ќе бидат повредени. Машките тешко забораваат и опростуваат неверство. Признанието само може да доведе до прекинување на врската и секаков понатамошен контакт со вас.
ГО САКАТЕ
Тоа што не го знаете не може да ве повреди! Сте го изневериле и сега тоа не можете да го смените ниту пак да го избришете. Затоа, подобро поштедете го партнерот од болката и маката. Но, гледајте во никој случај да не ви се повтори истото.
МОЖЕ ДА ВИ ВРАТИ СО ИСТА МЕРА
Понекогаш се случува тој што е изневерен, од преголема болка и предавство, да се подаде на истиот чекор како и вие. Да ве изневери само за да ви покаже како всушност тој се чувствува. Тоа секако нема да доведе до ништо позитивно, освен да ја прекинете врската.
