.gif)
Поголемиот дел од луѓето повеќе го помнат првиот бакнеж отколку првиот сексуален однос.
Научникот и новинар Sheril Kirshen, автор на книгата „Науката на бакнување: Што ни кажуваат вашите усни" ја актуелизираше и онака вечно актуелната тема за бакнувањето. „Бакнувањето доаѓа природно само од себе, а техниките се учат!" вели таа. Прочитајте ги овие интересни факти околу бакнежот:
- Првиот доказ за бакнеж датира од пред 3.500 години во еден текст во Индија.
- Bonobos, тип на шимпанза, можат да се бакнуваат и до 12 минути, жирафите ги замотуваат своите вратови, па дури и рибите си ги допираат усните.
- Научниците докажаа дека поголема површина од мозокот е опфатен од процесирање на информации од усните за разлика од оние кои доаѓаат од останатиот дел од телото. Само нежен кармин на нив веднаш стимулира голем дел од мозокот, дури и повеќе отколку сексуална стимулација во пределот под коланот.
- Иако нема сигурно докажана причина зошто луѓето се бакнуваат, почетокот на оваа пракса може да се поврзе со џвакањето на храната од страна на мајката, која со допир на усните му ја пренесува на своето бебе. Притисокот и стимулацијата врз усните го ослободува хормонот окситоцин, често нарекуван љубовно поврзувачки хормон кој ни дава пријатно чувство. Па така ние уште од детството уживаме во бакнежот.
- Бакнувањето е универзално, но во делови од Источна и Јужна Африка тоа се смета за одвратно. Правиот пример за ова ви е книгата „Белата Масаи" од Корин Хофман, која претставува вистинска приказна за љубовта на авторката, која е доброситуирана бела жена, со припадник на афричкото племе Масаи и преубав сплет на нивните разлики, но и претопувања- симболично прикажани преку прифаќање на бакнежот како пракса од негова страна.
- Истражувањето на универзитетот Butler покажало дека поголемиот дел од луѓето повеќе го помнат првиот бакнеж отколку првиот сексуален однос. Ова е навистина невообичаено, но тие ова го припишуваат на симболиката на бакнежот како вовед во сексуалното однесување.
- Мажите, за разлика од жените сакаат да се бакнуваат со повеќе јазик, а причината за тоа е што отворената уста му олеснува на мажот да и пренесе на жената мало количество на тестостерон преку плунката и со повеќе неделно или месечно бакнување да го подигне нејзиното либидо.
- Во Албанија 59 проценти од мажите и 66 проценти од жените имаат раскинато врска поради лошиот прв бакнеж покажа истражувањето на S.U.N.Y. Многу луѓе, а особено мажите според квалитетот на бакнежот ја оценуваат подоцнежната изведба на партнерката во креветот.
- Бакнувањето никогаш не застарува, тоа е она што ги држи врските цврсти. Затоа бакнувајте се - за среќни до крајот на животот!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
