.gif)
Не дека не ви годи да се почувствувате значајна, незаборавена, па во некои случаи и непреболена нечија љубов.
Кога најмалку ги очекувате тогаш повторно се појавуваат во вашиот живот. Ах тие ликови кои од време навреме, намерно или случајно повторно се враќаат и играат ролја во вашиот живот. Не дека не ви годи да се почувствувате значајна, незаборавена, па во некои случаи и непреболена нечија љубов. Не е малку некој да ви каже дека некогаш сте му биле се или пак дека едноставно не сака да ве изгуби од својот живот како квалитетна личност која ја цени и почитува.
Но што ако вие сте во нова врска, а неговите ненадејни повици и покажаниот интерес за вас побуди љубомора кај вашиот нов партнер и ви направи проблеми во врската?
Да, новото момче ви верува...Но дури и најдоверливиот човек ќе се посомнева за миг ако во ниедно време од ноќта добиете порака „Сакаш да ме видиш вечерва" или пак „Помислив на тебе" и ред други изјави за кои не гледате причини, а уште помалку сте дале повод во последно време. Како тогаш да се извадите од кашата за која ни самите не ја знаете причината, а треба некому да ја објасните?
- Прво, реагирајте смирено! Ако по силата на приликите пораката се нашла веќе пред очите на вашето момче објаснете дека ни вие не знаете кој е мотивот за истата и дека контактите со вашиот поранешен се одамна прекинати. Тешко дека веднаш ќе ви поверува, но барем пред самите себе сте чисти дека сте ја кажале вистината.
- На пораката возвратете дека сте изненадени од вниманието, но наредниот пат нека биде во пристојно време или пак воопшто да нема нареден пат бидејќи тоа ви направило проблем со сегашното момче.
- Иако жените често знаат да сокријат некои работи без никаква лоша намера, се со цел да не создадат проблеми во врската сепак најдобро е да разговарате со вашето момче отворено ако се уште сте во контакт со бившиот за тој да знае како стојат работите. Доколку ја избришете пораката и тоа се повторува одново и одново еден ден ќе бидете откриени, а прикриените работи секогаш изгледаат пострашно во очите на партнерот. Штом сте го сокриле тоа од него тој ќе верува дека има место за сомнеж во вашите чувства и однос со поранешното момче.
- Ставете се во обратна ситуација и замислете како би се чувствувале вие тој да добива пораки и повици од поранешната девојка и верувајте дека тој го чувствува токму истото без разлика колку ладнокрвен изгледа. Обидете се да ги сведете на минимум контактите со поранешните момчиња за да спречите нивните сенки да талкаат во вашата врска.
А на крајот на краиштата и што ќе ви се сенки од минатото да ви се мешаат во иднината. Ако нешто било доволно вредно и доволно добро немало да постане минато! Секој што го има префиксот поранешен најверојатно вредно си го заслужил. Луѓето не се менуваат преку ноќ така што неговото присуство во вашата нова врска е сосема непотребно, па дури и излишно!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
