NotForMen

Со откривање на тајната можете само да се претворите во современа Ева која ќе оддолее на искушението, но својот Адам може да го наведе на грев

Имате момче веќе неколку години, благодарни сте за успешната врска и добриот човек покрај вас. Го сакате од се срце и последно кои ви доаѓа на ум е да го пуштите да замине од вашиот живот.

Денот без него е сценарио за најстрашниот хорор филм кој можете да го замислите. Но и покрај тоа што знаете дека тој е вашата вода во пустина, упорно се забавувате со ново појавените мушички во вашето главче.

Нова играчка

Пред некое време случајно налетавте на момче, прво после години и години, кое без пардон ви влезе во главата и се засади таму како „добро утро“ и „добро вечер“.

Одамна бевте девојче кое се радуваше на барбики и лижавчиња, но после толку години како да си пронајдовте нова играчка која ви го разубавува денот.

Прегратки и бакнежи со него, не се на листата на дневни случувања... Цел ваш грев се сведува на невин флерт, спонтани разговори и неминовни насмевки. Понекогаш како кутре во ноќите ве гризе совеста, но веќе следното утро сте сигурни дека нема ништо страшно во овој мал зачин на вашата долгогодишна благо монотона врска.

Пекол или чистилиште?

Па и не е крај на светот ако и вашите очи впијат малку убавина од овој свет. Телото и срцето остануваат верни на љубениот ваш, а вие пловите со мислите низ круговите на пеколот на Данте. Деветтиот круг на Данте е далеку од вашето место, но ако ви се повторува ова со повеќе од едно момче или пак дојдете во искушение и телесно да се предадете, чистилиштето и не е така лоша замисла.

Се додека ситуацијата останува на ниво на невин флерт, кој ви го прави животот позабавен од вчера, тогаш ова нека биде вашата мала слатка тајна.

Пријателките и вие сте доволен број на сведоци на ова младешко лудило, а вашиот партнер оставете го на страна неинформиран за вашето забрането овошје.

Со откривање на тајната можете само да се претворите во современа Ева која ќе оддолее на искушението, но својот Адам може да го наведе на грев - да посегне по друга девојка, а се што ќе ви остане потоа е каењето за ненамерно предизвиканата штета.

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...