.gif)
Тајната најверојатно беше нејзиниот ведар дух, постојано насмеана, постојано шеговито настроена, таа говореше со 300 на час.
Беше тоа една девојка, не беше убава ниту како Marilyn Monroe, ниту како Grace Kelly, но имаше нешто во неа што како гравитација ги привлекуваше мажите околу неа. Таа секогаш под рака држеше најубаво момче, а многу ги имаше доведено и до лудило.
Долги врски
Од кога се памети нејзиниот лик оваа девојка постојано е во врска. Двете долги врски редум една по друга, со мала пауза од само половина година, која во тој период ја направи како кутре одврзано од ланец, направија сето останато време таа да има кој да и посака добра ноќ или да ја изненади со едно искрено „те сакам“.
Ведра и забавна девојка
Тајната најверојатно беше нејзиниот ведар дух, постојано насмеана, постојано шеговито настроена, таа говореше со 300 на час, а од неа на ред не би можел да дојде ни Цицерон. Секој би си поминал прекрасно во нејзино друштво, најверојатно тоа беше магијата или пак смелите сексуални игри можеби? Ете тоа ќе остане тајна која ја знаат само таа и нејзините момчиња, а ние само ќе погодуваме...
Не беше верна
За волја на вистината, таа никогаш не беше верна, но тоа никогаш и никој не го откри, нормално го знаеја само нејзините најблиски пријателки. Беше премногу динамична, а животот како по казна и праќаше фини и убави, но помалку флегматични момци кои не можеа да ги задоволат сите нејзини апетити за адреналин и забава. Токму во тоа најверојатно се криеше причината за нејзините неверства.
Третиот човек во врската
Паралелно со нејзиното момче, кое го сакаше навистина - дури и да ви е тешко да поверувате, таа секогаш имаше еден таков трет во врската, „несреќник“ со кој го надополнуваше својот недостаток од адреналин, а тие пак како деца вртоглаво се заљубуваа во неа и ја посакуваа секој миг од утрото и ноќта.
Бројните љубовни изјави, постојаните телефонски повици и ситните подароци беа нејзино секојдневие. Романтиката која не ја добиваше од своето долгогодишно момче, сега ја доби од трета страна.
Никогаш откриена
Но таа како да имаше некоја магична тактика и талент за лажење, како ретко кој, и во ниту еден миг никој не се посомнева во неа. Кога ќе излезеше со своето момче изгледаше како најзаљубената девојка на светот, пораките и повиците од вториот маж во нејзиниот живот секогаш остануваа далеку од очите на љубениот, а таа уживаше во слатката возбуда од ризикот, вниманието од третата страна и чувството дека се уште е посакувана и од други мажи.
Тие трети можеби беа само деца, наивци кои немаа многу искусено во животот и оваа девојка, дури и по цена што никогаш нема да биде целосно нивна, навистина им беше слатка бура од која преку ноќ станаа зависни.
Непромисленоста на овие мажи ќе им донесе солзи, таа го знаеше тоа, но сепак не се осврнуваше премногу на истото, туку себично грабаше од животот и секојдневно креираше спомени од лудата младост.
За почит или осуда вие ќе одлучите? ..... Но таа беше среќна, зар не е тоа смислата на животот?
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
