NotForMen

Жарот кој го имаше на почетокот со сета таа доверба, почит и слобода за дишење и движење прави секој ден да се чувствувате се позаљубена.

Дишете со полни гради, живеете како што сакате, се движите со полна брзина низ животот и настаните, а едновремено имате момче кое воопшто не го чувствувате како пречка за сето тоа.

Уживате во слободата

Се сакате премногу и имате доверба еден во друг. Да се биде 24 часа заедно, 7 дена во неделата, по секоја цена, не е на вашето мени. Се гледате често, но никогаш не сте си пречка ако некој од вас посака да излезе со пријателите.

Порано можеби не ги сфаќавте овие врски, велевте дека се лабави и несериозни, но сега после сите ваши напорни врски со драмски заплети и трагични расплети, оваа врска ви е како пратена од рајот.

Огромна доверба

Тој верува во вас, иако сте излезена со другарките, можеби и под дејство на алкохол до 4 часот наутро, ниту еднаш не ви се јави да ве исконтролира каде сте, со кого сте и слично. Ете тоа е бесценето, довербата е бесценета!

Но кога нешто добивате мора и да го дадете истото. И вие треба сама на себе да си ја зауздате желбата да му се јавите ако тој е излезен со другарите.

Љубоморните сцени и оковите не може да донесат ништо добро во вашата врска.

Време за забава, време за него

Уживате во миговите поминати со него, се чувствувате релаксирано и за прв пат некоја врска не ја чувствувате како обврска, функционирање по распоред и правила. Излегувате, се забавувате, имате време за пријателките, а и одличен однос со партнерот, зар може да побарате нешто повеќе од тоа?

Како низ сива магла се сеќавате на поранешното љубоморно момче кое ви се јавуваше по 5 пати кога ќе излезевте сама, требаше цел еден говор за да го убедите дека не правите ништо со момчето кое случајно застанало до вас и дека утре ќе му го посветите сето внимание нему.

Цело тоа заробеништво и симулација на брак ви ја убија љубовта која како луда пламтеше на почетокот, но сега е сосема поинаку.

Жарот кој го имаше на почетокот со сета таа доверба, почит и слобода за дишење и движење прави секој ден да се чувствувате се позаљубена во вашиот партнер, а желбата да го зграбите и да бидете покрај него расте со несмален интензитет.

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...