.gif)
Која е причината за овој куп лаги нафрлени пред вас како да сте случаен минувач во нејзиниот живот, кому може да му ја сервира приказната која вчера ја сонувала?
Ја слушате веќе половина час, како неуморно ви прераскажува детали од совршениот викенд на море со партнерот, а пред неполн час добивте информации од прва рака (вашата друга пријателка) дека овие две „гулапчиња“ од 2 дена поминати заедно се карале речиси 46 часа.
Зошто двата часа среќа пред вас ги пренесува како 48 совршени часа минати заедно? Која е причината за овој куп лаги нафрлени пред вас како да сте случаен минувач во нејзиниот живот, кому може да му ја сервира приказната која вчера ја сонувала?
И по автоматизам, се ежите кога некој ќе ве излаже за најбаналната работа, кога пред вас ќе изгради кула од лаги за помалку од час, а со тоа удира по темелите на вашето долгогодишно пријателство, но таа го прави тоа!
Куп лаги за банални работи!
Ве лаже дека новите обетки ги купила 150 денари, а всушност платила 500 денари за нив, и за ова не можете да најдете ниту еден оправдан мотив, освен желбата можеби кај вас да побуди завист за добро склучената зделка. Но каква цел е ова?
Другата пак ваша пријателка знае дека цел живот и се восхитувате на нејзината сила и прибраност по раскинувањето на врските. Отсекогаш таа била онаа ладната со која мажите не смеат да си подигруваат ни под разно, но ете дојде времето кога некој успеа и неа да и го сврти умот, а сега таа плаче по него како дете по лижавче, но пред вас повторно доаѓа подготвена со некој говор дека воопшто не ја интересира ниту тој, ниту нешто во врска со него. Говори како ниту еднаш не заплакала по него, а насолзените очи и набабрените подочници кажуваат повеќе од доволно.
Казнувате, но сфаќате лажење со мотив!
Гилотина посакувате за момчето кое еднаш одамна ве изневери, но него го сфаќате зошто ве излажа, за да не ве изгуби како партнерка, но овие ваши пријателки кои ги знаете толку долго време се уште не можете да сфатите зошто ве лажат.
Сликата за себе по димензии кои ја посакуваат нека ја покажуваат во јавноста, но во интимата на четирите ѕида од вашата соба пред само две искрени очи вперени во нив, не наоѓате ниту едно оправдување за тоа.
Човек од доверба сте, знаете да плачете за туѓата несреќа и да се радувате на туѓата среќа, го знаат и тие ова и токму затоа ви е несфатлива таа маска која ја ставаат пред вас и на сите тие лажни зборови, кои ништо не менуваат, но многу расипуваат.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
