.gif)
Пријателките ви диктираат да го заборавите,а како, никој не ви кажува!
Се најдовте во центарот на вниманието, онаа во која сите ситни души ги вперија прстите?
Ве обвинуваат за момент, поточно период на слабост, некои дури се дрзнуваат да ја негираат вашата емотивна интелегенција и психичка стабилност.
А вие не можете да сфатите зошто на луѓето им пречеше вашата искреност кога тие го побараа тоа од вас?
Сметаат дека не е за вас
Зарем тие не се декларираа како ваши најдобри пријателки и тврдеа дека ќе те подржуваат и во најтешките моменти?
Требаше цела вечност за да допрат до вашите чувства, до дното на вашата душа. И во мигот кога им ја откривте вистината за сите ваши болни емоции и душевни преживување за поранешното момче кое и натаму е ваша единствена љубов, сите ве обвинија за неоправданоста на чувствата и неспособноста да го преболите. Тие сметаат дека тој не е за вас, без никакви објаснувања, што уште толку ја потхрани вашата немоќ да се спротивставите на душевната бура.
Реалност која не знаете како да ја прифатите
Вие сте доволно паметна да сфатите дека во вашиот случај не станува збор за панаѓур, туку за љубов и тоа онаа која подразбира дека го сакате момчето со сите негови маани и после сите негови грешки. Свесни сте дека љубите несовршен.
Да, од страна пријателките многу појасно и пореално ги видоа сите неправди нанесени врз вас, од негова страна. Затоа и го обвинуваат. Но, ве обвинуваат и вас бидејќи не умеете да го преболите и да продолжите понатаму.
Срцето не почитува дефиниции
Дефиницијата дека срцето не љуби според правила, прописи или било какви дефиниции, ви е повеќе од позната. Никој не ја заслужува вашата љубов доколку не е возвратена на соодветен начин.
Ви беше тешко да ги трупате емоциите најдалеку во вашата личност. Од страв да признаете се изгубивте во емотивниот ќорсокак.
Доволно време молчевте и глумевте дека сте среќна. И сега кога се решивте на откровението за вашата љубов кон поранешното момче, пријателките ви диктираат да го заборавите. А како, никој не ви кажува!
Бидете им благодарни на пријателките бидејќи тие се обидуваат да ве заштитат од болките што ги носи љубовта! Бидете му благодарни на срцето кое умее вистински да сака и тоа во време кога таквите се ретки. Обвинувањата за туѓата храброст да се признаат чувствата оставете ги за тие кои не се доволно способни вистински да сакаат, оние кои предност му даваат на панаѓурот наместо на љубовта.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
