.gif)
Зошто го оддалечувате од себе со такви неважни ситници? Се е до компромисот и објективното гледање на работите.
Денот поминат без да го чуете неговиот глас, ни оддалеку не ви изгледа како весело сценарио, но понекогаш свесно или несвесно самите го предизвикувате тоа.
Чујте ги сопствените зборови и извлечете поука!
Стоп за недовербата и вашите комплицирани женски драми!
„Еве не ми крева на телефон, му ѕвонам по трети пат, а од него ни трага, ни глас веќе „цели“ 3 часа. Сигурно е излезен без да ми поднесе извештај, а вообичаено секогаш ми кажува.
Хмм сигурно е со онаа девојка од Фејсбук која му става лајк на секоја слика, па дури и на најдосадните статуси. Кој маж може да одолее на кусо здолниште и раширени нозе, без разлика што таа не може да ми се фати дури ни за најмалото прсте.
Време е и јас да свртам некој број, не можам повеќе да ја поднесам неизвесноста. Да, штом тој може да шета без да ми се јави, тогаш и јас ќе излезам со поранешниот муватор кој одамна копнее да пие кафенце со мене.“
Го сторивте тоа и само половина час после вашето излегување ви се јавува момчето со сонлив глас, кое преморено од напорниот ден заспало веднаш после ручекот, а телефонот му останал во другата соба. Тој нема грев и сега вие сте грешницата која поради брзоплетоста и недовербата се втурна во вртлог на лаги. Па како да му кажете дека сте на кафе со поранешниот муватор? Ах тие женски драми, навистина знаат да ви го искомплицираат животот.
Понекогаш виновникот побарајте го и во себе!
„Не му се јавувам ниту јас, ако треба три дена ќе се нервирам ама прва не кревам слушалка. Па како можеше така дрско да изреагира на моето доцнење од 20 минути, па сите тие реферати за непочитувањето на неговото време и враќањето на историски моменти од врската кога сум доцнела, навистина ми го расипаа расположението.
Како можеше да направи толкава драма и да ни ја расипе цела вечер? Најлошо од се е што смета дека е во право да ме окарактеризира како личност која не знае да си го испланира времето и животот, па од едно мало доцнење се префрли на мојата неодговорност во врската. Не му се јавувам, тој ја започна кавгата, тој нека се јави да се извини.“
И така изминува веќе и третиот ден како не сте го слушнале омилениот ринг тон на телефонот, вашиот немир го достигна плафонот, а инаетот не ви дава да се јавите и да признаете дека сте погрешиле со едноставно „извини и нема да се повтори“.
Зошто го оддалечувате од себе со такви неважни ситници? А преголемо его и сами знаете дека е пресуда за сингл живот. Се е до компромисот и објективното гледање на работите.
Не сонувајте дека бурмата ќе ги промени лошите навики!
„Редно време е да побараш работа, на прагот си од заокружена триесетка, а никако да започнеш да размислуваш посериозно за животот, му велите. Другарите и спортските обложувалници се неизбежен дел од твоето секојдневие, а ти постојано се жалиш како немаш време да направиш CV.
Ме изневери и ме повреди како ретко кој, но поради љубовта која ја носам во срцето за тебе ти простив, а вчера повторно флертуваше со црнокосата девојка која стоеше до нас во диското.“
Свесни сте како многу често овие зборови излегуваат од вашата уста, но сонот за бел фустан и тој покрај вас, ни малку не избледува. Како да верувате во некоја магична моќ на бурмата и дека после кажувањето на заветите сите негови лоши навики ќе се променат. Тој повеќе нема да биде ниту мрзелив, ниту неверен.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
