NotForMen

Нивниот поглед, нивните дела, нивните простувања и проголтувања се доволни да ги откриете емоциите и намерите кои тој ги има за вас.

И повторно на дневното мени е неговиот говор како тој е цврст орев. Со отровни стрелички ве гаѓа секој пат кога ќе ви каже дека вие сте девојка која е навикната мажите да летаат околу неа, а тој нема ниту намера, ниту желба да биде еден од вашите пиони.

Игра на емоции

И бесцелно му објаснувате дека љубовта не е игра на надмудрување, туку е игра на емоции, тој само одново и одново се спротиставува на своето растреперено срце.

Јасно како ден му е дека е заљубен како ретко кога, но со иста доза во него се крие и некој страв од тоа да не биде разоткриен, повреден или најлошо од се, според него, етикетиран како лигав.

Желба за патријархат

Овој балкански менталитет, каде мажите очајнички грабаат по одамна изумрениот патријархат се повеќе ги прави сурови говорници. Комплиментите се ендемски вид во нивните разговори, а пак да не говориме за искажувањето на чувствата или непроценливото „те сакам“. Реката на нежности кои нашите татковци им ја даваа на нашите мајки со новите генерации на мажи се претвора во поточе, кое неретко знае да го зафати и сушно лето.

Кога мажите станаа толку емотивно недостапни? Премолчените зборови не се доказ за непостоењето на чувствата!

Говорот на делата

Нивниот поглед, нивните дела, нивните простувања и проголтувања се доволни да ги откриете емоциите и намерите кои тој ги има за вас. И го знаете сето тоа, но ви недостига да чуете.

Зошто вие не сте почестена со порака за „добро утро“ како вашата пријателка или неочекувано „те сакам“ во три часот попладне? Па тоа е се што си посакувате! Заслуги имате повеќе од доволно, а од заслужената нежност повторно ни трага, ни глас.

Официјализирањето на чувствата не значи негова слабост. Да дознаете дека сте неговата Ахилова пета сигурно ќе биде вашата најголема среќа, а не најлесното оружје против него. Убавите зборови се храна за душата и врската кажете му го тоа, вие бидете искрена, а другото останува на него... Барем вие немојте да бидете етикетираната „недостижна“.

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...