.gif)
Со лисицата вие сте трагач, а таа плен кој знае во кој миг да заврти со опашката да потрчате по неа.
Лисица и е второ име, а заводничка презиме. Еве и последното јагне падна во нејзината замка. Дали итрина е во прашање, завери или чудна коинциденција има нешто чудно кај оваа жена.
До неа пак стои уште една жена, по убавина ако гледате сосема слободно можете да ја наречете Афродита. Но тука ситуацијата е поинаква, таа е онаа која секогаш е жртвено јагне на машкиот пол, солзи, разочараност и осаменост. Чудно, но вистинито!
Афродита доби Александар (27), но за лисица тој копнееше.
Еве што ни раскажа:
„Пијана ноќ, друштво и нови девојки, по ритамот на музиката следеше и ритамот на бакнежите, па и се останато. Се забавувам како ретко кога, но во главата секогаш го носам она - овде и сега, а утре е нов ден.
По само половина час од напуштањето на местото на забавата мојот мобилен како полуден почна да титка. Прво стигна една порака, па втора, па трета и тоа во рок од неполн час. Таа не можела да заспие од прекрасната вечер, па бакнежи, па... Си легнувам истоштен,. А утре како по обичај си планирам фудбал со другарите, кога ете го повторно телефонот. Што да видам, повторно таа!
Се јавувам, а таа сета возбудена договара време и место за наредната средба. Па каде е тука адреналинот и забавата кога се ми беше послужено на тацна, дури и повеќе од тоа што јас би можел да изедам! Психичка тортура, гушење и планови за вечна љубов после една ноќ заедно, па како да не се наежам од гадење.
А таа убава, кој и да ја види ќе даде некој коментар на воодушевување, па дури и завист, а мене таа прекрасна срна сама ми се претвори во одбивна, напорна девојка на која и најдолгите нозе на светот не би и помогнале да ме задржи уште една ноќ со неа. Знам што следи денот потоа!“
Што има лисицата, а другата нема?
- Со лисицата вие сте трагач, а таа плен кој знае во кој миг да заврти со опашката да потрчате по неа.
- Ниту порака за добра ноќ, ниту повик за добро утро ќе добиете од неа во првите неколку дена. Каде е, со кого, морам да и се јавам да проверам.
- Поминаа 3 дена, а од неа ниту глас, некаква чудна потреба имам да ја видам.
- Знае дека првиот состанок не е соодветен за бакнеж, па она вреди барем малку повеќе труд.
- Ќе седне на Фејсбук кога се враќам од работа, проѕирно е, и се допаѓам, но знам дека нема да пише. Ах таа лисица...
- Да ја допрам за задникот не успеав ниту после најмилното подготвено сценарио. И го гледам, а тој уште посладок. Време и требало на мојата старо-нова лисица.
- „За мажи коси не се кубеле, ниту туѓата среќа била поважна од сопствената“, ми говори, а јас се што сакам е да и го докажам спротивното и да и дадам една добра лекција, па од утре да не и се јавам веќе ама не можам има нешто магнетско во неа.
- Си врти лиска со опашката, па и она знаела да искриви врат по убав маж. Хмм се најдов од другата страна на приказната овој пат. Чудно, зарем не?
- Ја канам оваа жена-итрица на кафе, ама како подобра опција го напоменувам мојот стан. И ги накриви таа веѓите, и кафе и се отпи и се. И се враќам сега на почетниот план за кафуле, но сега ни таму не и се пие кафе.
- Пред тоа од време навреме знаеше лиска да сврти со опашката, но од тој ден никаде ја нема. И како да не и се јавам пак со понуда за кафе? Па морам да ја имам!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
