.gif)
Така и оваа девојка ја гонеше магијата или проклетството на бројките. Сите нејзини значајни врски по автоматизам завршуваа на 8 месеци.
Дали сте го гледале филмот „Number 23“? Ќе ве изненадат многу работи, но она што највеќе се помни е токму бројката 23 и моќта на потсвеста да ја пронајде истата во секоја можна ситуација. Дали како буквално таква, дали како збир од броеви или пак во обратен редослед како 32, неа ја има буквално во името на ликот, адресата, годината на раѓање, па дури и во боите, на начин кој ќе го откриете со гледање на филмот.
Но на страна ова, да се вратиме на моќта на бројките, но во вашата врска. Дали можеби и вие имате некоја бројка која е речиси секогаш значајна за вашите врски? По игра на случајности вашите врски започнуваат со таа бројка, одредена дата на пример, или партнерот кој го избирате е на таа возраст?
Нејзините врски
Така и оваа девојка ја гонеше магијата или проклетството на бројките. Сите нејзини значајни врски по автоматизам завршуваа на 8 месеци. На втората се шегуваше, на третата веќе беше изненадена, но четвртата врска, која заврши на 8 месеци, направи да се прашува дали е се ова чудна коинциденција или навистина постои нешто.
Низ шега се ќе припишеше на „клетвите“ од некое поранешно момче или на чудните случајности, но длабоко во себе знаеше дека не е ништо од тоа. Знаеше дека 8 месеци е периодот кога го поминуваше заљубувањето, почетничката еуфорија, се стабилизираше во прегратката на љубовта, но и во себе си го поставуваше прашањето „Сега или засекогаш?“
NotForMen препорака: Додека смртта не не раздели
Нејзините листи
Низ нејзиниот ум се вртеа некои мистериозни листи на позитивни и негативни страни на партнерот и на заедничкото функционирање... И не размислуваше дали утре ќе биде среќна, туку се оптоваруваше со прашања како неговата маана која би била фатална за брачниот живот или работите преку кои би поминала сега, но не и во брак.
Некои ќе ја осудат за претерано планирање, расипување на изненадувањата, управување со судбината и себе-измачување, а пак други ќе ја оценат како стабилна личност која знае што сака од животот и партнерот, која сама ги води конците од својот живот и не верува дека луѓето се менуваат, дека утрото носи магија или дека треба залудно да го трошиме времето.
Нејзините размислувања
Без разлика на туѓото мислење таа не можеше да се ослободи од своите „мушички“, кои секогаш се размрдуваа токму во тој период. И беше цврста, веруваше во своите одлуки и во нивната исправност. Токму затоа не патеше премногу, затоа што знаеше дека таму некаде постои она што го бара, а со вистинскиот нема да треба да се крши сама себе, да ги намали своите критериуми за внимание или да ја реконструира сликата за иднината и брачната идила која ја посакуваше. Функционираше по она „те сакам тебе, но себе повеќе“!
Животот го живееше со полн здив и никогаш не се најде во ситуација да биде заробена во врска од 4 години, во која последните 2,5 години биле само измачување и залудни надежи за враќање на работите во колосек.
Не се покаја што некому не му ја дари младоста, секогаш велеше дека 3 години врска е доволно време за тој да сфати дека таа е вистинската и знаеше дека првата толку долга врска ќе и биде последна.
Времето ќе му го дари, на оној кој ќе заслужи да му го дари и животот, бидејќи во спротивно би било бесцелно да се одрекува од многу работи за некој пролазен патник кој денес е тука, а утре и до крајот на животот во прегратката на некоја друга. Па така проклетството на 8-те месеци, за неа беа формулата за среќа.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
