.gif)
Тој не ви префрла зошто денес не сте во своето најсјајно расположение, затоа што се сеќава дека вчера бевте во посета кај вашата болна баба.
Сите сакаме личност која ќе не цени, сака и почитува, и која ке биде покрај нас во секој миг... Но не и по секоја цена!
По макотрпната потрага во вашиот град, сфаќате дека нема личност, која е соодветна за вас!
Го сретнавте него, а тој е неколку стотици километри оддалечен од вас. Низ вашиот ум како црн превез се смести таа далечина која ги раздвојува вашите тела.
Да, за врските на далечина.....
Но далечината не може да ја спречи љубовта! За љубовта ниту една река не е предлабока и ниту една планина не е превисока.
Не го гледате секој ден, но сепак доволно е да го видите неколку дена во месецот, за да ви ја пружи сета негова љубов и целото свое внимание.
Близината не ветува!
Дечкото, кој живееше во вашиот град, не знаеше да ве праша како сте, како ви е на работното место, а тој на стотици километри оттука сака да знае како се чувствувате поради вчерашниот прекор од напорната шефица или поради паѓањето на градска при полагањето за возачка дозвола, што е ваш втор пораз овој месец.
Сака да чуе како се чувствувате и комплетно да ве разбере.
Тој не ви префрла зошто денес не сте во своето најсјајно расположение, затоа што се сеќава дека вчера бевте во посета кај вашата болна баба, не препрашува по три пати, туку внимава на вашите зборови, помни и потоа ве освојува со грижата.
Кога се чувствувате несигурно и кога ви беше потребна поддршка, дечкото од соседното маало беше зафатен (гледаше фудбал кај својот другар), а тој одвои часови да биде со вас, иако виртуелно.
Зарем ви е потребно нешто повеќе?
NotForMen препорака: Лек за љубовта на далечина
Ве сака несовршена!
Доаѓа на ред да признаете дека никој не е совршен, па така ни вие! Долгогодишното момче со вас се справуваше со закани дека ќе ве доведе во ред, и ќе ве превоспита со редица несоодветни коментари, како доказ за неговата “машкост”.
Тој пак го купи својот билет и без размислување допатува во вашиот град, без ваше знаење само за да ве види. Таа ваша насмевка на задоволство беше се што посакуваше.
Пред само неколку месеци, кога одржуваше концерт вашиот омилен пејач, кралот на баладите и женските срца, момчето од вашиот град не беше покрај вас, затоа што тој пејач бил лигав маж кој го пее едното, па исто во секоја своја песна, а вашиот љубовник на далечина ви постираше една таква на вашиот фејсубк профил без размислување дали тоа ќе биде фатално за неговата „мачо“ репутација.
И сето ова од една причина, затоа што знае вистински да ве сака!
А сега на вас останува да размислите дали вредите доволно... Запрашајте се дали се цените себе си? Дали вреди да направите жртва за човек кој може да ви го пружи тоа по кое копнеете?
Сами изберете дали ќе се предадете, и на стотиците километри ке им дозволите да ве направат најсреќна до сега...
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
