.gif)
Со милни очи и восхит гледаа луѓето во овие убави млади луѓе, создадени како совршени еден за друг.
Еден покрај друг беа компактна целина, нејзината долга темно руса коса совршено одговараше на неговите костенливи очи, неговите 194 сантиметри на нејзините 176, а неговите снажни раце на нејзината тенка половина.
Последен пат заедно се појавија во театар на премиерата на една многу актуелна театарска претстава, а нејзиното здолниште со големи копчиња и висок струк се совпаѓаше со бојата на неговото палто. Секој го вртеше погледот по нив, а воздишките често беа следбеници на нивниот чекор. Со милни очи и восхит гледаа луѓето во овие убави млади луѓе, создадени како совршени еден за друг.
Сакаа исти работи!
Тој не знаеше да го следи ритамот на музиката, таа за убав глас можеше само да сонува. Тој беше антиспортски тип, а за неа гледањето фудбал беше смртна казна. Тој сакаше да седи во диско до фајрон, а таа секогаш мораше да биде онаа која меѓу последните го зема капутот од веќе празната гардероба. Тој сакаше црвена долна облека, а таа се чувствуваше најсамоуверена носејќи ја.
И така еден со друг без компактен пар, а ноќите и деновите беа прекратки за нив, бидејќи таму кај што тој завршуваше, таа започнуваше.
Совршени во секој поглед, но едновремено несовршени токму поради истата причина: ПРЕМНОГУ БЕЗ ИСТИ!!!
NotForMen препорака: Беа како оган и вода
Проклетството!
Како што двајцата уживаа во вкусот на чоколадните глувчиња од старата добро позната пекара, така и двајцата уживаа во вкусот на убавото црвено вино, а после првото поделено шише доаѓаше она фаталното. Тие за само половина час од мирно море, се претвораа во најразбрануваниот океан каде сета страст на нивните духови само ги поттикнуваше брановите.
Ќе се фатеа од најбаналната работа, па се до страшни сцени на љубомора и се се претвораше во една струја, која во тие мигови ја носеше и љубовта и нежноста.
Илјада и една сцена!
Нејзините пријатели до ден денес, ја помнат сцената каде таа и после третото предупредување од негова страна му ја растури фризурата, а тој на тоа одговори со силно нејзино буткање од себе, по што се слушна тап удар во прозорецот. Никој не беше повреден, но знаете каде што е жарот таму е и огнот, па таа сцена остро се врежа во меморијата на оваа девојка, но и во главите на нејзините пријатели.
Исти беа и во поглед што и двајцата при едно излегување во диско сами без проблем би можеле да соберат најмалку 3 телефонски броеви до припадници на спротивниот пол. Токму оваа успешност на тема флерт и заведување ги плашеше и тие почнаа да се затвораат во својот затворен круг на врската и се помалку некој можеше да допре до нив, па така во еден миг останаа сами со себе, отуѓени од светот.
Тиквата пукна!
Дружељубиви луѓе од нивен тип не можеа долго да го издржат ова, па така и оваа тиква пукна!
Љубовта не испари, остави печат и уште денови потоа следеа сцени низ скопските дискотеки, искривени погледи и лоши упатени зборови еден за друг. Но ниту тие, ниту времето не можеа да ги избришат спомените за оваа силна енергија. Заедно највеќе викаа, плачеа, но и највеќе сакаа. Имаа енергија вредна за цел живот!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
