.gif)
Втората месечнина беше дури и посензационална од првата, па тој расфрли ливчиња од рози врз белите сатенски чаршафи на креветот во неговиот стан.
На седмото небото блескате како најсјајната ѕвезда, а тој со секој свој гест на внимание само ве издигнува погоре. Тој иницираше да ја прославите првата месечнина и знае дека пиете нескафе повеќе на млеко со 2 коцки мраз.
Ви праќа слатки СМС пораки и ви изгледа како да постоите само вие и тој на светот. Втората месечнина беше дури и посензационална од првата, па тој расфрли ливчиња од рози врз белите сатенски чаршафи на креветот во неговиот стан.
Сонувате со отворени очи, а партнерот од без малку 3 месеци ви изгледа како да го знаете цел живот.
Стоп!!!
Пресвртница
Дојде и деведесеттиот ден, еве ја и вашата трета месечнина, а тој дури и го подзаборави датумот овој пат, а не пак да ви приреди некое слатко изненадување. На вашата покана за џез и вино во Barbakan само ладнокрвно одговори дека има обврски вечерва и ќе го сторите тоа во текот на наредната недела.
90 дневно чудо!
Каде исчезна магијата? Што се случи со вашиот господин совршен? Вие се соочивте со деведесет дневното чудо! Ова е малку познат факт дека мажите (па и девојките) можат да бидат максимално прекрасни во текот на 90 дена, а после овој период го откриваат своето вистинско лице.
Во овој случај се работи за играч, кој сторил се да ве освои и успеал во тоа. Сега пред него треперите како лист и имате право да бидете лути поради манипулацијата, но сепак не заборавајте секоја грешка е искуство плус!
NotForMen препорака: Постои ли „вистинскиот“?
Мали правила за безбедно срце:
Пред да влезете во врска, прво разгледајте ја својата агенда дали тоа е „забава и авантура“ или „пронаоѓање на животен партнер“. Потоа преку спонтани разговори проверете дали таа се совпаѓа со онаа на слаткото момче со најубавите зелени очи кое ве покани на состанок.
Ако се совпаѓаат тоа е вистинската формула за среќни мигови, но сепак бидете претпазливи и со доза на резерва се до деведесеттиот ден од врската бидејќи има доста момци кои лажно се претставуваат со втората агенда за што полесно да дојдат до вас. Без разлика колку сте искусна, ако е вистински играч, тој може и тоа како успешно да ја одигра оваа ролја, а после 90-тиот ден да претвори во „кретен“ или пак едноставно да замине.
Се во свое време!
Не сонувајте за свадбените ѕвона се додека добро не го запознаете. После првите 3 месеци, ако се е во ред дадете му уште 3, па уште 6 и се така, а после една година најверојатно ќе ви стане јасно која е неговата вистинска агенда. Среќно!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
