.gif)
Околу 48 проценти од првите состаноци завршуваат со бакнеж.
Утре е посебен ден затоа што имате состанок со преслаткото момче кое одамна ви се допаѓа. Дали дланките ви се потат од трема и веќе половина час размислувате кои потпетици да ги облечете без разлика дали на ум имате долга љубов или кратка авантура?
Еве неколку совети како да не го упропастите првиот состанок, а тоа момче да го видите повторно.
Не зборувајте за бившиот!
Никој не сака да слуша како поранешниот со кој одевте 2 години ве повредил кога ви раскинал.
Тоа може да биде знак дека се уште не сте го преболеле, а никој не сака да се впушта во врска со личност која се уште нема расчистено со љубовното минато.
Не пијте премногу алкохол!
Чаша алкохол може да ви ја намали напнатоста, но не треба да претерувате. Нема нешто полошо од тоа да се опијаните на првиот состанок. Момчето со кое сте излезени може да добие впечаток дека сте лесна и дека не е тешко да ве одведе во кревет уште првата вечер после неколку часа познанство.
Исто така, може да стекне впечаток дека имате проблеми со алкохолот.
Дури 91 процент од жените во U.S. велат дека 2 алкохолни пијалака се максимумот за првиот состанок, а 1 од 5 жени ќе се воздржи до пиење.
Не покажувајте премногу емоции!
Првиот состанок не е место да откривање на емоционалните белези. Тажните животни приказни оставете ги за подоцна, а додека сте на почетокот што почесто смејте се и бидете љубезни.
Не го испитувајте премногу!
Не глумете детектив и не поставувајте премногу прашања бидејќи другата личност ќе се чувствува како да е на испитување од полиција. Добро е да покажете интерес, но пуштeте разговорот едноставно да тече и не плашете се од кратките паузи на молк.
И еднакво важно е да слушате што ви зборува личноста!
NotForMen препорака: Прашања за прв состанок
Не глумете принцеза!
Претераната финост може да делува како арогантност или умисленост, па затоа немој да се буните ако ве одведе на место кое не е по ваш вкус.
Ако ништо друго преправајте се дека се забавувате, а во некој наредна пригода многу внимателно дадете му до знаење каде сакате да излегувате.
Не го користете многу мобилниот телефон!
Сакате ли да оставите добар впечаток на првиот состанок? Избегнувајте го користењето на мобилниот телефон.
Исклучете го или намалете го тонот и мирно уживајте во магијата на првиот состанок.
И две слатки бројки за крај...
Околу 48 проценти од првите состаноци завршуваат со бакнеж.
Кога има хемија, 97 проценти од мажите ќе се јават за 72 часа да договорат втор состанок. Па дами ако го нема 3 дена значи не е заинтересиран!
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
