.gif)
Кога не може силно да го прегне вашето тенко струкче и да ја милува вашата нежна кожа во реалноста, тоа ќе го направи барем во својата фантазија.
Едвај се осудивте да го бакнете онаа ноќ, иако раситнет беше 2 часот по полноќ, во крвта имавте неколку мартини, а ноќта беше магична како создадена за тоа. Знаете 01.01 покажуваше датумот на вашиот мобилен, а велат како на први така цела година, па затоа решивте да се почестите со некој бакнеж. Тој беше најслаткиот од таму, а и цела вечер не ги тргна очите од вас.
Како и да е, убави мигови споделивте, но тоа беше се... После неколку седмици дознавате дека сте спиеле со него!!!
Изненадувањето ви е огромно, кога точно се сеќавате на трите скромни бакнежи кои ги разменивте пред очите на јавноста и на вашето заминување со пријателките во сосем друг правец таа ноќ. Па која е причината ова момче да измислило таква сочна приказна? Зошто мажите станаа толку очајни, па започнаа да кажуваат вакви невистини? Кога и зошто мажите лажат?
Да се пофалат пред другарите...
Тој уште во 6-то одделение се натпреваруваше со своите другари за должината на својот пенис, па и наддаваше некој сантиметар плус. Знаете како велат „мажите цел живот остануваат деца“, па затоа не е ни чудно што денес тој лаже за бројот на своите сексуални партнерки.
Колку е поголем нивниот број, толку тој е поголем пастув пред другарите, а колку сте вие поубава, толку е поголема веројатноста да ве етикетира како негова „жртва“.
NotForMen препорака: Балкански менталитет и трач партии
Да го замаскираат својот сиромашен сексуален живот...
Иако е среде зима, неговиот сексуален живот го зафати пустинска летна суша. Веќе одамна ниту една девојка не паднала на неговите финти, а тој не е обожавател на сериозните врски, па така голото женско тело му е малку подзаборавен поим. Па за што тој да говори кога на тркалезна маса се пие пиво и се јадат кикирики со другарите?
Време е за некоја сочна приказна со ситни детали, дури и такви како оној за бемката на вашата лева града, која е толку горе, па од вашето деколте можеше да ја забележи секој присутен на новогодишната забава, не само тој.
Да ја имаат барем во фантазијата...
Кога не може силно да го прегрне вашето тенко струкче и да ја милува вашата нежна кожа во реалноста, тоа ќе го направи барем во својата фантазија.
Толку многу посакува да ве има, што дури и проговори дека ве имал пред неговиот најдобар другар, но и колегата од работа, па и блиската сосетка, но нормално сето тоа со ветување „да остане“ меѓу четирите ѕидови каде што е кажано.
Да и ја расипат репутацијата...
Ви ги кажа најмилните зборови ви ја предложи неговата најкреативна идеја за состанок, па дури и посегна по ружа, но вие никако да ја прифатите неговата понуда за љубовна врска. Вие станувате „кучката“ на која мора да и се одмазди по секоја цена за погазувањето на неговата машкост.
Така со неколку убедливи коментари пред различни луѓе ќе ве направи и неморална и лесна. Вашето „не“, ќе го претвори во „да“, а и не само тоа, можеби продолжението е дека спиете пред неговиот праг целосно освоени од неговата одлична сексуална изведба.
Според анкетата на сајтот за мажи AskMen, утврдено е дека 51% од мажите се искрени за бројот на своите сексуални партнерки, 21% лажат бидејќи сметаат дека тоа е интимна работа, 16% го прават тоа за да си го заштитат егото и 12% за да ги заштитат чувствата на партнерката.
-
Која е златната средина помеѓу добра девојка и „кучка“ за да бидете сакана од страна на мажите? ... -
Телефон си вреска „Someone like you“, бившиот ѕвони, а јас кај Марија на кафе. ... -
Пркосните луѓе со верба секогаш се наградени, па така и таа како во сон едно утро успеа. ...
.gif)
