NotForMen

Во напливот на нервоза сите нејзини објаснувања ви се така бледи и безначајни, се ви личи на смислен драмски заплет.

Го ставате вториот слој маскара на трепките и со пресата за последен пат ги поминувате тие проблематични врвови од косата, за да успеат да му се спротивстават на влажниот воздух надвор. Се насмевнувате во огледалото задоволни од својот изглед и од одлична испланираната ноќ која претстои.

Шмекот на чаршијата, поинаквата атмосфера и вашиот нов омилен локал ве повикуваат... И нормално се што е убаво кратко трае, па ви се јавува најдобрата пријателка и во последен миг ви откажува и фрла сенка врз сите ваши планови. Во напливот на нервоза сите нејзини објаснувања ви се така бледи и безначајни, се ви личи на смислен драмски заплет во последен миг, кој таа добро знае дека ве вади од кожа.

NotForMen препорака: Сите ваши пријателки

И нервозни и изневерени вие се разбира дека ќе излезете и повторно ќе си поминете одлично, но зошто луѓето не си го почитуваат дадениот збор?

Да, ситуацијава можеби е банална, но во деталите се кријат карактерите, па така таа станува човек на кој не можете да се потпрете.

Ветено од пред 3 дена, неисполнето во последен миг, зарем има тука простор за дебата, а нормално причината за откажаниот план не е ниту некоја трагична несреќа ниту смртен случај, за среќа. Како да постапите во ситуацијава?

Дали само да подголтнете и да прогледате низ прсти овој пат? Но тоа би значело климање со главата за непочитта и најверојатно ваква ситуација повторно првиот петок од наредниот месец.

Дали да се искарате жолчно? Па и не вреди да се жртвува едно долгогодишно пријателство за афектна ситуација во која ќе го истурите сиот бес.

Ќе бидете и горди и задоволни од себе, но со кој ќе се смеете за новата грда девојка на вашиот стар дечко и на чие раме ќе плачете кога нема да го добиете очекуваното покачување на платата?

Дали благо да префрлите и да се дистанцирате? Отворениот разговор е мелем за секоја рана, па така кажете и го вашиот став околу непосакуваната ситуација со смирен тон и дистанцирајте се малку од неа во наредниот период за да се смират страстите. Откако ќе помине напливот на бес, јавете и се и повторно зачинете со благо турско кафе и сочни детали од последните денови.

• 
  Откриена златната средина помеѓу добра девојка и „кучка“!
  Која е златната средина помеѓу добра девојка и „кучка“ за да бидете сакана од страна на мажите? ...
• 
  Дневник: „Не, не било само страст, Adele пак вреска“
  Телефон си вреска „Someone like you“, бившиот ѕвони, а јас кај Марија на кафе. ...
• 
  Сепак постоеле среќни краеви!
  Пркосните луѓе со верба секогаш се наградени, па така и таа како во сон едно утро успеа. ...