.gif)
Само за туѓите желби и интереси и вашата недоволна храброст да се соочите со реалноста останувате покрај него и посегнувате по глумата дека сте болни само да не излезете со него.
Секој следен месец од врската како да е зачнат од споменот на почетната љубов и некогашната еуфорија од врската со партнерот. Денес со сигурност можете да си потврдите дека сте со него од навика. И нема да се излажете!
Некогаш одамна
Некогаш одамна колената ви затреперуваа од помислата дека ќе го видите, бакнете, излезете на состанок со него или заедно го поминете викендот. Денес ги имате само фотографиите од тоа време кои се неми сведоци на вашата некогашна љубов. Денес не ве врзува ништо повеќе од навика и мирно срце кога од вашата уста излегува „Те сакам“.
И не знаете по кој пат се прашувате каде исчезнала страста и која е силата која врзува окови околу вашето и неговото срце за да не се сретнат на половина пат.
Не сте единствени, доколку е некаква утеха. Многу парови не/функционираат на сличен начин.
NotForMen препорака: Мажите се плашат од врска по навика
Одложен крај
Сега не е време за раскинување. Вашата мајка премногу го сака, а и тој нејзината салата и кифлички. Освен тоа веќе уплативте за заеднички викенд на планина. Најверојатно ќе го почекате уште малку за тој прв да ја отвори темата за правецот во кој се движи вашата врска.
А што до тогаш? Уште малку ќе го одложувате сожалувањето кое ви го подготвува околината бидејќи нели ќе бидете таа која ја поминува фазата на депресија по раскинот на долгогодишната врска и ќе се подготвувате за „ уживањето“ во појаснување на причините за раскинот бидејќи сите ќе ги интересира тоа.
Пропуштена среќа
Од оваа врска не добивате ништо, а најмалку љубов и разбирање од партнерот што е повеќе од доволен повод да не пропуштите многу нешта.
Само за туѓите желби и интереси и вашата недоволна храброст да се соочите со реалноста останувате покрај него и посегнувате по глумата дека сте болни само да не излезете со него. Лажете дека го сакате и тогаш кога сте убедени во спротивното и упорно се преправате пред другите дека сте среќна двојка.
Заспивате со помислата кој изговор да го смислите за утре за да не се видите, освен тој да не ве претече со некој негов. И се така во недоглед затоа што тој е ваша секојдневна навика, а врската со него наликува на обична конекција меѓу двајца странци.
Понекогаш е подобро бродот да го напуштите уште пред да потоне, но и за тоа е потребна храброст. Да таа е повеќе од пресудна за да создадете поволна атмосфера за нова среќа, но не лажна и изглумена и никогаш повеќе не врска од навика. Бидете храбри и соочете се!
-
Сте чуле ли за некој тврдоглав рогоносец? Јас знам за две такви животни приказни... ... -
Да бидеме поедноставни, да не драматизираме, да премолчиме, да подголтнеме. ... -
Уживаше кога ги минуваше миговите со неа и ја бакнуваше милно по челото и покрај сите препреки. ...
.gif)
