.gif)
Понудата за брак нема никаква поврзаност со времето кое официјално сте го поминале заедно доколку не сте доволно блиски или неподготвени за брак.
Пред да го изговорите судбоносното „да“ треба да знаете дека бракот не е за ден или два. Токму вашиот потврден одговор треба да го изговори срцето, а не тоа да биде последица затоа што биолошкиот часовник ви се заканува, сите ве советуваат дека долгогодишното момче е „добра прилика“, затоа што сите пријателки веќе чуваат дете или пак се плашите доколку не ја ставите неговата бурма на рака дека ќе бидете оставени.
Кои се најлошите причини поради кои бракот може да ви се претвори во кошмар?!
Тој е „добра прилика“
Тој за друштвото е најзабавен, за работодавачот најтрудољубив, а вашата мајка го сака затоа што е фин и културен, па не еднаш сте слушнале дека тој е добра прилика за вас.
Пристојно изгледа, добро заработува и се познава дека ве сака - зарем позитивното мислење за него во средината е пресудно вие да го грабнете трчајќи кон олтарот?
Ова може да биде лош повод за брак доколку фразата „добра прилика“ не сте ја почувствувале на сопствената кожа и оставате една животна одлука да биде осудена на влијание на туѓите искуства и ставови.
Долго време сте во врска
Уште многу одамна испланиравте дека по дипломирањето и вработувањето следи тригодишна врска по која следи брак.
Минатиот месец го прославивте тригодишниот јубилеј и сега сонувате за малото црвено кутивче со прстен отворено пред вас.
Понудата за брак нема никаква поврзаност со времето кое официјално сте го поминале заедно доколку не сте доволно блиски или неподготвени за брак.
Сите пријателки ви се омажија
Сите блиски пријателки со задоволство ги раскажуваат своите искуства од брачниот живот и постојано ги евоцираат спомените од свадбата и медениот месец додека вие се чувствувате сосема маргинално во нивно друштвото.
Подобро е да го промените кругот на пријателки со кои пиете кафе наместо да иницирате брак. Освен што ќе звучите очајно ќе мора да се соочувате со брачните окови кои не секогаш се лабави само за да не бидете единствени немажени во друштвото.
Љубопитноста како им е на пријателките не секогаш е исплатлива опција, а бракот најмалку наликува на авантура во која сите се впуштаат, па морате и вие.
NotForMe препорака: Врска од 1 година - гаранција за успешен брак?!
Времето ве гази
Вашата мајка се омажила на 23, братучетка ви на 25, а вие имате цели 27 и ретко помислувате да ја официјализирате врската со партнерот.
Постојано ве потсетуваат дека сега е вистинскиот момент да го испочитувате биолошкиот часовник и да не дозволите времето да ве згази пред да биде предоцна за брак.
Вашата или возраста на партнерот нема никаква поврзаност со една таква значајна одлука каква што е бракот. Зрелоста која најчесто доаѓа со годините е пресудна за да се одлучите за судбоностното „да“, но тоа во никој случај не значи неподготвени да брзате затоа што имате 30+.
Притисок од него или од страна
Неговата последна иницијатива за посериозен разговор на тема брак заврши со уцена од типот „доколку не прифатиш тоа би значело крај“. Стравот да не го изгубите одзема многу од вашата среќа, а притисокот од негова страна е повеќе е доказ дека сте многу далеку од предбрачната блискост, а не пак од бракот како институција.
Ова важи и за притисокот од страна на други за кои не смеете да дозволите да бидат иницијатори на нешто лично ваше затоа што последиците кои може да бидат поразителни и да ви го уништат животот.
-
Сте чуле ли за некој тврдоглав рогоносец? Јас знам за две такви животни приказни... ... -
Да бидеме поедноставни, да не драматизираме, да премолчиме, да подголтнеме. ... -
Уживаше кога ги минуваше миговите со неа и ја бакнуваше милно по челото и покрај сите препреки. ...
.gif)
