.gif)
Всушност како и ние, така и мажите кажуваат некои бесмислени работи што нé ставаат во недоумица за на крај пак самите себеси да се пронајдеме како виновници. Дали некогаш ќе се најде некој што ќе биде во состојба да го разбере машкиот свет останува дилема, но секогаш може да се потрудиме да сфатиме што се крие зад нивните половични изјави.
Гледано од друг агол, можеби и не треба да се трудиме да го разбереме нивниот свет, бидејќи не само што ќе наидеме на разочарување туку деновите нема да ни бидат забавни како сега. А што е со средбите со пријателките и филозофирањето со часови зошто нечие момче постапило така, а не поинаку? Би ги жртвувале и нив?
Нашиот предлог за денес е заедно да се обидеме да ги дешифрираме изјавите што ги издвоивме. Прочитајте го нашето мислење, но учествувајте и со свое за на крај да појдеме и директно да ги прашаме нив.
Вели дека му треба простор!
Сигурно не мисли дека му е тесно Скопје, туку сака малку да се оддалечи од вас. Ова не мора да значи дека сака да почне да се гледа со други девојки, но машките не ја планираат свадбата како нас, по вториот состанок. Врската станала посериозна отколку што планирал. Создал зависност од вас што почнало да го плаши. Потребна му е самоанализа за да види дали сéе уште може да функционира независно.
Вели дека ме сака, но дека не може да бидеме заедно!
Самата реченица е контрадикторна, а за смислата да не зборуваме. Како може некој да бега од некој што му значи? Ваквата ситуација е очигледна и за девојче од 10 години. Човекот си нашол поинтересна личност, но бидејќи не може да знае како ќе се одвиваат работите со неа, сака да ве чува во резерва. Утре кога повторно ќе тропне на вашата врата да не бидете зачудени. Тој имаше лични прашања што мораше да ги реши кога ве остави. Кога рекол дека вие бевте проблемот? Тој не престана да ве сака во ниту еден момент.
Одбива да ме запознае со родителите!
Сигурно 99% од вас мислат дека се срами од вас и затоа не сака да ве запознае. А да, имаше уште нешто што за малку ќе го заборавивме, а тоа е дека не сака сериозна врска и затоа не сака мешање на родители. Па добро, има вистина во ова. Но има и друга опција што реално постои, а за која на ретко кој му текнува. Едноставно човекот се срами да ве запознае со родителите. Можеби односите со нив не му се сјајни и знае дека ќе треба да се соочи со критики. Постои и можноста да се плаши дека вие ќе добиете лоша претстава за него откако ќе ги запознаете неговите откачени родители.
Вели дека ме сака, но дека не е заљубен во мене!
Ова е исто како кога вие ќе ѝ кажете на пријателката дека ја сакате. Нормално дека си ја сакате, но не сте заљубени во неа. Доволно сте добри за во друштво, за излегување одвреме-навреме, за по некоја партија секс, но не сте вистинската. Значи, залудно се трудите да градите сериозна врска со него, да му покажувате знаци на верност и лојалност, кога тој ниту го сака тоа од вас ,ниту пак сака да биде сериозен и посветен.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
