.gif)
И овој пат ќе го продолжиме муабетот за мажите и дешифрирањето на нивната комплицирана психологија. Зборуваме за неколкуте смешни изјави и зошто понекогаш чудно се однесуваат, но овој пат ќе начнеме посериозна тема.
Претпоставувате за што станува збор, нормално за секс. Зар има нешто посериозно од тоа сексот да не оди како што треба. Секс знаците од вашиот партнер многу ќе ви помогнат да ја решите дилемата во креветот и да дознаете зошто не е секогаш расположен за тоа.
И овој пат ќе ве повикаме да споделете со нас лично искуство и секако свое мислење за чудните постапки што мажите понекогаш ги прават.
Никогаш не го прави првиот чекор в кревет!
Сигурно ќе се изненадите кога ќе чуете и првата реакција ќе биде дека тоа не е можно. Маж да не сака буквално да ѝ се фрли на девојка која гола го чека в кревет!? Е па, драги мои, ние налетавме и на таков проблем.
И како сега да најдеме логично објаснување за ова. Ќе почнеме со претпоставки: можеби не може да се отпушти бидејќи е тазе во врска, можеби смета дека на тој начин ќе покаже дека има сериозни намери, можеби на тој начин ја зголемува самодовербата...
А што ако му се допаднало чувството некој да го милува и бакнува за на крај да стигне до фазата на препуштање. Кога подобро ќе размислите вам секоја вечер преку нежности ве освојуваат или кажано со други зборови ве молат за да уживате.
Како и да е, старото добро правило вели, разговарајте! Сé што ве мачи и ви фали во сексот нема да го добиете со молчење бидејќи без разлика колку долго сте заедно никој не може да знае што вам ви се допаѓа, а што не.
Повеќе сака да гледа порнофилмови отколку да има секс со мене!
Во никој случај не може да се каже дека е нормално некој да преферира порнофилм во однос на секс во живо. Доколку вашиот партнер навистина е опседнат со гледање такви содржини, тогаш подобро е да си најдете нов, во спротивно ќе останете вечно незадоволена.
За почеток обидете се да откриете која е причината. Можеби постои некој проблем во креветот доколку тој одеднаш го смени вкусот и поинтересно му стане гледањето порнофилм. Разговарајте со него и внесете свежина во сексот.
Постојано ми вели дека сака секс во тројка?
Ова и не е толку сериозен проблем бидејќи не смеете да се лутите за неговите фантазии. За разлика од жените мажите се поотворени и не се срамат да кажат што имаат на ум, но тоа не ги прави поперверзни.
Секс во тројка, уште една машка фантазија и начин да се докаже машкоста во смисла дека е потребно многу повеќе за да се задоволи неговиот сексуален апетит. Ако навистина ви пречи и ве навредува тоа што постојано ви вели дека би сакал да проба, вие едноставно кажете му дека и вие сте подготвена на тоа, само треба да најдете уште едно добро момче како него. Видете ја сега неговата реакција.
Не сака да има секс со мене!
Друго е да не сака да го направи првиот чекор, а сосема трето е воопшто да не сака да спие со вас. Но, тоа не значи дека човекот е хомосексуалец. Можеби сте една од ретките која не го привлекува во никаква смисла.
Постои опцијата вие погрешно да сте го разбрале, но ако сепак сте сигурна во сигналите што ги добивавте од него, обидете се и направете го првиот чекор. Можеби човекот нема доволно искуство и се плаши да ви пријде.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
