.gif)
Понекогаш мажите навистина чудно се однесуваат. Во тие ситуации само си ја потврдувате тезата дека навистина се како мали деца. Колку пати сте се обиделе да ги разберете, но никако не успевате.
Дали ние сме виновниците што дозволивме така да се однесуваат или, пак, тоа им е во крвта? Како и да е, лек тешко се наоѓа. Единствено што ви останува е да се изнасмеете следниот пат кога ќе направи такво нешто.
Изнасмејте му се в лице и не молете го на сила да ве послуша. Оставете да видите до каде ќе тера со својата тврдоглавост. Нормално дека нема да признае, но верувајте дека ќе му стане повеќе од јасно кој е во право.
Ќе гори од температура, но нема да оди на лекар.
Вие му кажувате дека не може само од себе да му помине, а тој упорно лежи и нема намера да стане од креветот. Чаеви, лимони, апчиња, тоа заборавете. Зар навистина мислат дека некој ќе помисли дека се слабаци ако признаат дека им е лошо? Сега некој нив ќе им кажува како треба да прават и што да пијат. Некој си таму лекар, па што ако има диплома, тоа не значи дека може да наредува.
Нема што да облече, но сепак не сака да оди во шопинг.
Постојат две категории мажи, оние што внимаваат на стилот и оние што не внимаваат. На оние вторите навистина им е тешко кога треба да излезат во град и да бараат фармерки. Што се однесува до нив, би го носеле истиот чифт цел живот, само штета што не се железни. Оние што имаат браќа, знаат колку кавги има кога господинот треба да купи нешто за облекување. Залудно потрошени нерви и време во шетање по продавници кога на крајот вие самите ќе излезете и ќе му одберете нешто.
Ќе умре за вода, ама нема да отиде и да си наполни.
За ваквото однесување не знам кој би можел да даде одговор. Ако треба, ќе чека со часови, но нема да стане сè додека вие не станете за да ви рече: "Ај, донеси ми чаша вода!" А за средување на алиштата можете само да сонувате. Ви останува да го прашате зошто така прави, но се сомневам дека ќе слушнете некој паметен одговор. Или, пак, тренирајте го, следниот пат не му подавајте вода.
Може и со часови да вози во погрешна насока, но нема да ги послуша вашите совети.
Кога маж е во автомобил, тоа значи дека можете да се олабавите бидејќи сè е под негова контрола. Се наоѓате во негов простор кој нормално многу добро го познава и владее. Тие се снаодливи, имаат чувство за ориентација, ги знаат сите можни патишта и раскрсници. Која сте вие да му кажувате дека треба да сврти десно кога не ги ни познавате знаците, па зарем заборавивте, вие сте само жена. Зарем жена може повеќе да се разбира во автомобили и пат од маж?
И да нема што да гледа на телевизија, нема да ви го даде далечинскиот управувач.
Зарем не знаевте дека кога купувате телевизор постои правилник во кој вели дека далечинското припаѓа на машката популација? Следниот пат купете си два телевизора бидејќи мали се шансите да ја добиете битката. Тој знае што е најинтересно за гледање, а ако сакате нешто конкретно, само кажете му и тој ќе ви пушти. Вас едноставно не ве бидува за тоа, не знаете умешно да вртите по каналите и да избегнувате реклами.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
