.gif)
Можеби ќе се замислите дали сме во право, но мажите сакаат да ги излажете за некои работи. Всушност, обидете се да се сетите колку работите ќе беа поинакви, ако ништо друго ќе се поштедевте од кавги, ако не знаевте одредени факти за него.
Всушност, тука и не станува збор за лажење, туку за премолчување на вистината. Не залудно рекле дека вистината боли. Не велиме дека треба да лажете, но извртете ја приказната во ваша полза.
Еве ги ситуациите кога треба да го сторите тоа:
Колку е надарен?
Забрането ви е да кажете: лелееее колку ти бил мал!
Ретко дека некое машко ќе ве праша дали е доволно голем за вас, но знајте дека треба да ја избегнете темата. Нормално дека ќе го кренете неговото его ако кажете дека му е преголем, но што ако не му е? Мажите се осетливи на таа тема и ретко кој од нив е задоволен со големината. Сигурно сте слушнале за синдромот „мал пенис". Всушност најважно од сé е да врши работа.
Еве како да кажете: ако се најдете во ситуација да мора да одговорите на вакво прашање, едноставно кажете дека сексот е супер и дека сте многу среќна.
Дали ви е најдобриот љубовник што сте го имале?
Забрането ви е да кажете: со него го имав најдобриот секс во живот!
Со ова сте го уништиле во поим. Тој сигурно многу пати се прашувал дали е подобар од претходниот, па сега му недостигаше и вашата потврда дека не е. Единствено што му останува е да почне да се труди, па да ве малтретира да имате односи секоја вечер по пет пати или, пак, ќе створи комплекс што ќе го избрка од вас.
Еве како да кажете: сексот со тебе е одличен.
Дали ви се допаѓа неговата мајка?
Забрането ви е да кажете: мајка ти е навистина лоша жена!
Размислете, кому би му се допаднало да чуе ваков коментар за сопствената мајка. Нема потреба да се жалите кога и онака ја гледате еднаш во месецот. Издржете и бидете културна. Ако работите станат посериозни, тогаш објаснете му како се чувствувате и зошто така мислите за неа. Можеби тој ќе ви помогне да најдете заеднички јазик.
Еве како да кажете: не ја познавам доволно, но се надевам дека е фина штом ти си и син.
Со колку партнери сте спиеле.
Забрането ви е да кажете: пред тебе сум била со петмина партнери, а со едниот од нив излегував цела година.
Без разлика колку е либерален и со напредни сфаќања, нема да му се допадне кога ќе чуе дека бројката е повеќе од еден. Нормално дека никој не очекува да останете девица до брак, но сепак ваквата информација ќе го смени неговиот поглед. Најдобро е да кажете дека сте биле со еден, може и двајца, и закопајте ја темата.
Еве како да кажете: пред тебе имав само една сериозна врска.
Дали некој од неговите пријатели е секси?
Еве што не смеете да кажете: значи, имаш многу секси другар, какво тело има...
Нормално дека нема да ви се налути бидејќи тогаш ќе изгледа како вистински идиот, но таквата изјава ќе направи да се чувствува очајно. Ќе почне да мисли дека вие сте свесна за неговите мани и не сте толку задоволна од изборот. Ова особено може негативно да се одрази на сексот.
Еве како да кажете: навистина сте убаво друштво, кој од кој поубав.
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
