NotForMen

Сексот е мошне важен за врска со партнерот. Тој  е важен, меѓу другото и како средство за подигање на самодовербата и чувството на задоволство од самиот себе. Меѓутоа, во текот на врската, мажите учат дека некои работи едноставно треба да бидат премолчeни, односно ја сфаќаат вредноста од криењето на некои мали нешта од своите партнерки, а токму таа способност им го олеснува животот.

Мажите, освен што кријат некои детали од животот со кои не се гордеат, кријат и некои работи што можеби и не можеш да замислиш дека постојат во неговата глава. Еве некои од нив:

1.Бројот на сексуалните партнерки.

На почетокот од врската мажите обично го кријат бројот на сексуалните партнерки што ги имале дотогаш. Сакаат да дадат до знаење дека се фини момци што не ги откриваат тајните и не се фалат со своите бивши партнерки. Сакаат да се почувствувате сигурни покрај него и да се олабавите. Жените, во секој случај, не би требале да инсистираат на одговор на ова прашање, но секако треба да дејствуваат превентивно и да се заштитат додека не го запознаат подобро партнерот.

2. Сте имале прекрасна вечер, со незаборавна партија секс, но тој сака да спие.

Кај машките може многу фрустрирачки да биде тоа што по сексот девојката сака да добие една серија гушкање пред да заспие, а машкото има желба само за спиење. Причината е во хормоните што нивниот мозок ги испушта по сексот. Кога машкото ќе доживее оргазам, мешавина од хемикалии се испуштаат од мозокот заедно со хормонот пролактин (Prolactin). Пролактинот има голема поврзаност со спиењето, па неговото присуство е причина за настојувањето на машкото да спие по сексот. По сé изгледа дека на повеќето од машките и не им е толку важно зошто девојките сакаат да се гушкаат, но и не се заинтересирани за тоа.

3. Тој крие дека мастурбира.

Кога врската ќе стане посериозна или партнерите ќе живеат заедно, мажите често од жените кријат  дека и понатаму мастурбираат. Проблемот настанува кога мажот почнува да го одбегнува сексот со жената. Во тој случај потребно е жената да ја преземе иницијатива и на партнерот да му ги „шепне" своите фантазии.

4.Сака да биде пофален, без да праша...

Без разлика колку се надарени долу, мажите често се прашуваат дали е тоа доволно за вас. Сака да чуе дека сексот бил добар иако обајцата не сте имале најдобра изведба. Има ли нешто полошо за мажите од потфрлање во изведбата, особено ако се в кревет со прекрасна жена. Свесен е дека може да биде многу подобро, но не сака да слушне критика. Позитвното мислење ќе го нахрани неговото его и неговата самодоверба. Затоа повремено сакаат да слушнат добар збор за своите сексуални и природни квалитети.

5. Го убива помислата дека е врзан само со една партнерка.

Понекогаш ги мачи чувството дека се врзани само за една жена иако ги сакаат своите партнерки, мислат дека се прекрасни и се среќни што се со нив во врска, на многу мажи нагонот едноставно не им дава мир. Поради ваквите ситуации, некои до триесеттите години настојуваат да спијат со што поголем број партнерки, а на поголемиот дел од мажите им е потребно време за целосно да ја задоволат таа желба, па дури тогаш да посакаат да се скрасат со една и единствена.

6. Не сте му веќе привлечни, вашето тело се менува..

Како поминуваат годините, женското тело се менува и жените со текот на времето може да почнат да се чувствуваат несигурно и непривлечно. Но, тој сигурно нема да го каже тоа, од причина што така партнерката најверојатно би се навредила и би ја изгубила својата самодоверба при сексот. Но, и мажите, за себе, одвреме-навреме помислуваат дека не се привлечни, со голем стомак и ќелави.

7.Додека водите љубов, тој замислува друга.

Иако тој никогаш нема да каже, сепак се плаши дека нема да може да биде верен, особено ако сте во подолга врска. Жените тоа може да го забележат по неговото однесување, односно сé поретките сексуални односи, зголемената грижа за физичкиот изглед, како и останување подолго на работа. За да се спречат ваквите излети, жената треба малку да го „зачини" сексот. Љубоморните сцени нема да помогнат, но разиграната фантазија ќе помогне и тоа многу.

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...