NotForMen

Отпуштена атмосфера, се галите оптегнати на неговиот кревет, полека почнувате предигра, но тој прекинува и ве замолува да го почекате неколку минути за да фрли еден туш на себе.

Чекате, чекате, чекате и почнува да ви станува здодевно. Си велите ајде ќе му ја средам малку собата и онака на ништо не личи. Помеѓу расфрланите алишта го наоѓате неговиот мобилен телефон.

И сегааааа... ај како да го оставите. Да, всушност го оставивте на бирото и со виснат јазик без да трепнете зјапавте во него. Не можејќи да издржите скокнавте од креветот и го грабнавте в раце. Прва дестинација се подразбира - сандачето потоа следуваат примените и пропуштените повици и на крај остануваат неколку секунди за галеријата.

За жал, овој пат погрешно го проценивте времето, тој се појави на вратата и ве фати на дело. Освен што ќе мора и до бањата да се шетате со телефонот, дали знаете што сé ставивте на коцка?

Прво: Вашето право да го забраните пристапот до вашиот телефон. Нека не ве чуди ако тој побара да го прочепка вашето сандаче. Можеби нема да го добие во моментот, но кога тогаш ќе го заборавите и тој ќе го грабне исто како вас.

Второ: Довербата што ја имавте кон него. Можеби никогаш нема да му падне на памет да ве изневери, но тоа не значи дека на другите пријателки не им се обраќа со сонце или срце, а краевите на пораките ги завршува со бакнеж. Додека го читате тоа, можно е и да го стопите телефонот од нервоза.

Трето: Мислењето што тој го имаше за вас. Знаете ли колку може да се разочара кога ќе ве види како го шпионирате. Вие сте таа што го прекрши правилото за приватност и сега немате право да поставувате никакви барања. А што стана со тоа дека целосно му верувате? Испаѓа дека вие сте една голема лажга.

Четврто: Правото да не давате објаснување за сé и сешто. Бидејќи вие сте таа што сакаше да има контрола на ситуацијата, па дури и на неговиот мобилен, сега ќе давате одговори. Секогаш кога ќе одбиете да откриете нешто, ќе бидете потсетувана на вашата ниска постапка.

• 
  Се што сака модерниот маж од една жена!
  Модерниот маж бара доверлива, секси сингл девојка со која може да има долга врска. ...
• 
  „Љубовта е негова религија“
  Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ...
• 
  Зошто жените не ги сакаат добрите момци?
  Сите ние сме имале по еден Aidan и Mr. Big во животот, сме се држеле за рака или сме имале див секс. ...