Местата што потенцијалните партнери ни ги предлагаат или на кои нè носат на состанок, говорат за нивните скриени љубовни намери, кои не сакаат да ги признаат. Кога тие ќе ја повикаат жената за состанок, се надеваат на секс. По можност, што порано тоа подобро. На секс не се надеваат само кога одат на натпревар со пријателите. Секако, на почетокот на врската, кога се обидуваат да го скршат женскиот отпор, се трудат да се покажат во најдобро светло. Меѓу главните адути за освојување се и состаноците на места кои можеби за нив и не се толку интересни, но ако сакаат да освојат мора да ги посетат. Какви се неговите намери ако ве покани да излезете во:
КИНО
На вакво место ретко се изведуваат сексуални потези. Максимум може да си дозволи допири по нозете или „случаен" лакот со извинување дека сакал да ги достигне пуканките. Од киното се очекува квалитетно ниво на сензуалност (шепотење на уво) и општа култура. Високиот интелектуален фактор што мажите го очекуваат по филмот од вас е да го искоментирате филмот, па според тоа ќе видат во кој правец се движи целата работа...Киното предвидува врска на долги патеки, барем 8 месеци...
РЕСТОРАН
Обично за ваквите состаноци мажите се трудат тоа да биде некој ексклузивен ресторан. Во текот на состанокот единствено за што тој се грижи се следниве работи: дали ќе се извалка, дали ќе изгледа пристојно, има ли доволно пари за да ја плати сметката и најважното, како да не се возбуди и да не ја зафркне работата ако пристапите на after party во неговиот стан. Ресторанот е место на кое најчесто мажите ги водат жените кога сакаат за нешто да се оправдаат или да ги поправат работите што ги зафркнале. Но, во текот на вечерта нема така лесно да се откачат од вас...Ресторанот исто така предвидува врска на долги патеки.
СТАН
Ако тој ве повика во својот стан, тогаш повеќе од сигурно е дека сака секс. Но, ако сака секс, тогаш не сака лош секс. Ако му дадете добар секс, тој и понатаму ќе сака уште подобар секс. Само лошите момци сакаат секс за една ноќ. Добрите момци сакаат постојан секс...изборот е ваш. И да ве „откачи" секогаш има начин како да му вратите... неговиот автомобил или скапата врата од станот многу лесно може да добијат гребаници.
