Мажите не ги привлекуваат девојки чие лице е цементирано со тон пудра како за на маскенбал
Машките сфаќања за она што е секси кај жената се разликуваат. И затоа, она што му е одбивно на еден маж, за друг може да биде неверојатно привлечно. Меѓутоа бидете сигурни, без оглед на недостатоците што ги откривате додека се набљудувате во огледало, некаде под небесниот свод се наоѓа некој за кого ВИЕ СТЕ ПРИВЛЕЧНИ - некој што ќе го привлекувате токму онаква каква што сте.
Жена полна со самодоверба е неверојатно привлечна жена, без оглед на нејзиниот физички изглед. Мажите се исклучително визуелни типови, затоа без сомневање секој маж ќе ја забележи женската облека, начинот на одење, шминката, стапалата, рацете, колку сте дотерани - тие забележуваат се. Во обид да се добие секси изглед или секси постапка, жените често грешат. Крајниот резултат излегува дека е вулгарен и невкусен изглед за машкото око. Еве како да направите граница помеѓу тоа што е секси и што не е секси за мажите:
НЕМА ПРАШАЊА ЗА ВРЕМЕ НА СЕКС
Воздивнувањето е многу често поврзано со зборувањето. Во тоа нема ништо погрешно. Ние ве поддржуваме и ве советуваме да зборувате колку што сакате. Секако, не за работи кои немаат врска со сексот, туку работи кои вас дополнително ќе ве возбудат. Но, зборување во кревет можете да го користите само за време на предиграта. За време на сексот, секаков вид на разговор е забранет. Не обидувајте се да му симнувате ѕвезди или да му влечете зборови од уста за да ви ги каже своите чувства. Така може да ја намалите возбудата кај него и да ја уништите тукушто започнатата партија секс.
ПОГРЕШЕН СТИЛ НА ОБЛЕКУВАЊЕ
| 87% од мажите ги сметаат за секси жените облечени во џинс, маичка со деколте и високи потпетици |
Вашиот изглед зборува многу за вашиот карактер. Треба да се прави разлика на какво место како треба да се облечете. Повеќето девојки изгубија смисла за тоа, не прават разлика меѓу дневна и ноќна шема, и искрено не се интересни, затоа што сите се облечени по ист шаблон. Иако мажите сакаат да се загледуваат во жени кои откриваат многу од своето тело, сепак тоа за нив е вулгарно, несредено и апсолутно далеку од секси. Вие можете да изгледате секси и без да се разголувате. Пронајдете го вистинскиот стил на облека кој прилега на вашата личност и ќе успеете да изгледате секси во неговите очи.
ПРЕТЕРАНА ШМИНКА
И шминката е уметност само што не сме сите уметници. Шминкајте се дискретно со не нападна шминка. Мажите не ги привлекуваат девојки чие лице е цементирано со еден тон пудра, сосема изменето, како за на маскенбал. Црниот креон во комбинација со туш и пудра заборавете ги за дневна варијанта. Преку ден изгледајте што по природно додека навечер нагласете ги или очите или усните, никако и двете истовремено бидејќи делува невкусно.
НЕ ОСТАВАЈТЕ ГИ СВОИТЕ ЛИГИ НА НЕГО
Секси е кога некого опсипувате со бакнежи, но не е секси ако тоа го правите оставајќи влажни трагови. Мажите сакаат бавни и страсни бакнежи, но не и лигави. Тие не сакаат девојки кои не се бакнуваат убаво, кои не се обидуваат да се прилагодат на нивното бакнување. Сите знаеме дека возбудата и страста прво доаѓаат од погледите, па после од бакнувањето и продолжуваат натаму.
