Грешите ако мислите дека тој не е свесен за вашите квалитети
После кавгата со партнерот си велите: „Тој не ме заслужува." Добро е ако располагате со толку голема самодоверба и ако сте свесни за вашата вредност како личност. Но, грешите ако мислите дека тој не е свесен за вашите квалитети. Вашата успешна кариера, убавина, смисла за хумор...не треба да бидат причина за тој постојано да го чува јазикот зад заби.
Верувајте дека нема да ви се допадне доколку почитта ви ја изразува со молк во текот на кавгите. За кусо време ќе почнете да се жалите дека имате момче без став. Тој во секој случај е благодарен на судбината што има жена како вас, но не очекувајте да ви ја искаже со тоа што ќе ви се потчини.
После сето ова редно време е да тропнеме на машка врата. Прашавме неколку момци, што се во врска, да ни одговорат: „За што најмногу би и се заблагодариле на вашата партнерка?"
ЗА НОВИОТ НАЧИН НА ЖИВОТ!
Кратко и јасно - таа ме научи да се грижам за себе си. Претходно не внимавав на исхрана, јадев само брза храна, но откако сме заедно почнав да се хранам здраво, а сфатив и дека сум опасен готвач. Да не беше таа, сега ќе бев стока од 100 кила со нула кондиција.
|
 |
Михајло 28
ЗА УКАЖАНАТА НЕЖНОСТ!
Не само девојка ми, туку сите жени во мојот живот ја поседуваат она нежност и топлина што се чувствува дури и по пријателскиот допир по рамо. Таква конекција и искреност мислам дека никогаш не би можел да воспоставам со маж.
Саше 26
ЗА ОДВОЕНОТО ВРЕМЕ!
Ние имаме проблем, јас по цел ден работам, а таа е невработена. Иако таа мисли дека не знам, сепак свесен сум дека таа да не е, никогаш нема да се видиме. Се враќам уморен, честопати нервозен, но кога ќе се сетам дека таа ќе дојде во посета веднаш ми поминува главоболката.
Благоја 30
ЗА НОВИОТ РИТАМ НА ЖИВОТ!
Пред да почнам да се гледам со девојка ми, имав само една релација, град и пиење. Имав проблеми дома дека сум неодговорен , дека ништо не работам освен што скитам по цели денови, а реално имаше и големи шанси да забегам по лош пат. Но, откако таа влезе во мојот живот се приземјив, станав стабилен дечко со цел во животот.
Владимир 23
ЗА НЕЈЗИНИОТ МИРИС!
Ако нешто најмногу ми фали, доколку не бидеме заедно во иднина, е нејзиниот мирис. Тој мирис толку ме врза за неа што ако не го осетам во денот полудувам. Штом се задоволувам само со тоа што лежам покрај неа и дишам во нејзината коса и тело...готов сум јас.
Душан 26
Девојки, сигурно не ви се верува дека овие зборови излегоа од устата на еден маж. Епа верувале или не, вистински се. Затоа пред да донесувате заклучоци дека тој не ве цени и не е свесен што може да загуби доколку озбилно се налутите, прашајте го: „Што е она што го сакаш кај мене и што те тера да се бориме и понатаму да бидеме заедно?"
