Долго време меѓу мажите, машкоста се мери според должината на половиот орган...
Направивме листа од неколку најчести комплекси што потајно ги потресуваат денешните мажи. Сега знаеме зошто психолозите и психијатрите се толку многу барани и добро платени.
ГОЛЕМИНАТА НА ПОЛОВИОТ ОРГАН
Долго време меѓу мажите, машкоста се мери според должината на половиот орган (апсурдна глупост). Кога скоро сите мажи излегоа од оваа заблуда, употребата на оваа навика значајно се намали, но не се искорени. Изјавата на секој просечен неженет маж е дека големината на половиот орган зазема трето место на листата на приоритети. И понатаму сите оние кои се инспирирани од порно филмовите, сонуваат да бидат како актерите во нив, сакаат поголеми, подолги и подобри полови органи. Затоа даваат многу пари на операции за издолжување на половиот орган или пак консумираат разно разни таблети или користат помaгала што гарантираат дека нивниот полов орган во најкус можен рок ќе ја добие онаа големина што тие толку многу ја посакуваат. Сепак, не се свесни дека клучот за добар секс не е во големината туку во техниката, а техниката подигнува ефективна вредност што допринесува стапка на искористување.
ИМПОТЕНЦИЈА
Уште еден од потајните стравови на мажите. Стравот од неуспех во креветот е поголем и од стравот од неуспех на работното место, а во поединечни случаи знае да доведе и до тотална паника. Понекогаш се случува „господинот" да не е расположен за секс игра колку и мажот, па таквите ситуации сериозно ја доведуваат во прашање машката самодоверба.
ВИСИНА
Просечната висина на мажите во светот е 1,77 сантиметри. Низ историјата познато е дека тој комплекс бил стимулатор за големи достигнувања. Цезар, Наполен, Луј...сите имале нешто заедничко, а тоа е нискиот раст. Мажите мислат дека ако се со низок раст имаат поголеми шанси да бидат одбиени од страна на убавите жени. До некаде за тоа се виновни и жените кои сметаат дека мажот секогаш треба да биде повисок од жената. Зошто? Колку повеќе се зголемува комплексот за растот, толку повеќе се зголемува и комплексот од ниска вредност, па ниските мажи го добиваат мислењето дека помалку вредат од другите.
ЌЕЛАВОСТ
Појавата на опаѓање на косата е предизвикана поради наследните особини или стрес, а може да настане и поради недостаток на одредени витамини. Главно, машката популација не сака да го прифати фактот дека кога влегуваат во одредени години не можат да имаат коса онаква каква што имале на 20 години.
ФИНАНСИСКА СОСТОЈБА
Уште еден симбол на машкоста-парите. Каков е тој маж без пари? Како тој маж ќе најде жена кога не може да и го плати пијалокот. Колку голем срам е кога жената заработува повеќе од мажот! Главно, колку повеќе пари имаат, толку повеќе се мажествени и пожелни. Општо познато е дека жените повеќе се „палат" на мажи кои во својот џеб имаат малку повеќе пари од останатите. Таквите мажи имаат поголеми шанси кај убавите жени отколку обичните смртници. За жал, живееме во таков свет на испревртени вредности каде никој не ги цени оние кои имаат духовни богатства во себе, а помалку пари. Појавата на „спонзоруши" е чист производ на богатите мажи. Сакаат да ја покажат својата машкост со помош на парите, бидејќи така најдобро знаат, а всушност несвесно обликуваат нов вид на жени. Тоа предизвикува уште поголема депресија кај фининасиски слабите мажи и сосема ги фрла во агонија.
ЕМОТИВНА СТРАНА
Вистинскиот маж, како што секаде се слуша и се пишува, мора да биде горд, ладен, стабилен, со тврдо срце, бескомпромисен, одлучен и без промена на своето лице да ги издржи најтешките маки. Во тие приказни нема место за тага, солзи, претерана радост или било какви силни емоции. На лоша среќа на обичните мажи, доколку мажот е емотивен тогаш тој е потенцијален хомосексуалец, а ако сака да изгледа убаво тогаш тој е метросексуалец. И што сега? Сетоа тоа произведува уште поголеми комплески кај нормалните мажи и ги претвара во ГАДОВИ!
