Некои мажи се зависни од изневерување, без оглед на тоа што имаат хармонична и убава врска.
Обично се вели дека ако ве изневери еднаш, вие не сте виновна, но истото не важи и за вториот пат. Ако првиот пат сте повредената, вториот пат сте будала која дозволила истото да се случи.
Но, како можете да бидете сигурни дека нема повторно да ве изневери? Довербата е разнишана и колку и да сакате не можете да се отпуштите и да верувате дека во ноќите кога лумпува со другарите нема да слупа и некоја девојка. Сега повторно сте исправени пред нова задача - да откриете колку е подготвен да ве изневери по втор пат, пред уште еднаш да направи будала од вас.
Генерално постојат две причини зошто мажите изневеруваат по втор пат...или се ЗАВИСНИ ОД ИЗНЕВЕРУВАЊЕ, или пак СТАРАТА ПРИЧИНА ПОВТОРНО СЕ АКТИВИРАЛА.
ЗАВИСНИК...
Некои мажи се зависни од изневерување, без оглед на тоа што имаат хармонична и убава врска. Тој е тип што не може да биде со една жена иако ја сака...тоа го гуши и го прави незадоволен маж. Колку и да ветува дека ќе се поправи, на крајот пак ќе слушате муабети дека го виделе со девојка во кола. Со текот на времето можеби и ќе се смири, тоа е обично оној период кога ќе почне сериозно да размислува за семејство, но дотогаш подгответе се да се соочите со неговите редовни излети или продолжете вез него.
СТАРИОТ ПРОБЛЕМ...
Дали мажот ќе изневери по втор пат многу зависи од тоа колку работите се промениле по првото изневерување. Ова веднаш нека ве наведе да ја побарате причината за првото неверство. Не му се допаѓаше што постојано го контролиравте, не го задоволувавте во кревет, не го почитувавте како маж...причини може да има многу, но останува прашањето колку вие сторивте за нештата да се променат. Со ова не сакаме да кажеме дека вие сте виновникот што тој погледнал во друга, секако дека прво требал да тропне на вашата врата, но не смеете да се самозалажувате дека вие бевте безгрешна во се.
Многу е полесно да се преправете дека изневерувањето никогаш не се случило, но порано или подоцна морате да седнете и да разговарате околу тоа. Замолете го отворено да ви каже кои биле причините за тој да бара утеха во друга и поработете на тоа да ја пополните празнината што настанала во врската.
ЕВЕ ШТО ЌЕ СЕ СЛУЧИ АКО БИДЕТЕ ИНДИФЕРЕНТНА...
Несреќата и незадоволството ќе се таложат во неговото срце и само прашање на време ќе биде кога тој повторно ќе падне во искушение. Во крајна линија секој сака да се чувствува убаво и исполнето кога станува збор за емоции. Но, доколку осети дека го освоил вашето целосно внимание...тогаш шансите да се обрати кај друга се многу мали.
