Нема да го усреќите ако му кажете дека со него ќе се земете во случај да останете сами.
Мажите уживаат да се навредуваат еден со друг, да измислуваат прекари врз основа на физички маани, да јадат ќебапи, да гледаат фудбал, да пијат пиво, да зборуваат за секс. Но, истото не важи кога ќе се сретнат со вас. Па, тие никогаш не би се сетиле да зборуваат за емоции, да дебатираат за некоја табу тема, а уште помалку да расчистуваат некакви недоразбирања недела дена после настанот.
Заслужувате аплауз ако успеете да го натерате да зборува, но се лажете ако мислите дека ви кажува се што му лежи на срце, само поради фактот што ви е пријател. Машко - женското пријателство не функционира исто како она помеѓу две жени. Вашиот платонски пријател крие многу работи од вас. Дојде време да ја дознаете вистината.
Што крие...
КОГА СИ ПОИГРУВАТЕ СО НЕГОВОТО СРЦЕ?
Ниту еден маж не е горд кога ќе чуе дека вие планирате да се земете со него, во случај и двајцата да останете сами на 30. Размислете, со ова излегува дека тој е добар само за резерва.
Не очекувајте тој да се насмее секогаш кога превртувате очи на другите девојки. Тој сака вие да му местите некоја девојка, а не да ги бркате со арогантниот однос.
Најмногу го повредувате кога го барате само во неволја. Бевте заљубена и за него немаше место, а да не зборуваме дека и партнерот беше љубоморен иако сте само пријатели. Но, штом ви го скршија срцето, кај него отрчавте за совет.
Што крие...
КОГА НЕСВЕСНО ГО ПАЛИТЕ?
Мажите може да ви бидат пријатели се додека држите граница. Во моментот кога ќе се соблечете пред него, тој станува збунет и изнервиран. Иако знае дека вие го гледате како брат, неговите природни нагони го тераат да ве замислува додека мастурбира.
Секоја сабота имате навика да гледате филмови доцна во ноќта. Додека вие уживате во секс - сцената исклучена од целиот универзум, тој зјапа во вас и копнее да ви се фрли.
Со сериозна фаца тој се обидува да ве сослуша и да ви каже неколку секс- трикови. Имајте на ум дека секој совет што ќе излезе од неговата уста е негова неостварена фантазија во која сте вклучена токму вие.
Што крие...
КОГА ТРЕБА ДА ИЗЛЕЗЕТЕ СО НЕКОЕ МОМЧЕ?
Тој ќе ви даде совет како да се облечете, но она што вистински му лежи на срце е да ви каже дека вашата вагина е сосема доволна да се појави.
Нема да ви даде пехар поради тоа што им се фалите на момците за вашето пријателство. Што се однесува до него, подобро е да си молчите. Него му е преку глава да трпи изливи на љубомора и провокации.
Воопшто не му се допаѓа да ве гледа како барате храброст во алкохолот. Навистина му е незгодно да ви каже дека момците не се палат на смрдлив здив на вино.
Најмногу го вадите од такт кога на додворувачот ќе му кажете дека сакате „лоши момчиња." Тоа е причината поради која мажите се груби со вас и ве третираат со помалку почит.
Што крие...
ДОДЕКА СТЕ ВО ВРСКА?
Да, тој е згрозен од постапката на вашето момче и го суди пред вас, но зар мислите дека тој не го прави истото. Тој можеби е и полош.
Никогаш нема да има високо мислење за вас, ако вие и понатаму правите селекција на додворувачите според колата што ја поседуваат. Тој знае дека вие сте исклучителна личност и дека сте во состојба да постигнете многу во животот, но таквите изјави ве прават мала во негови очи.
Вашите пријателки ќе ви поверуваат дека го најдовте принцот, иако тоа го имате кажано за секој дечко со кој сте биле. Неговиот став е малку поинаков, тој мисли дека премногу летате во облаци.
Што крие...
КОГА СЕ ОДНЕСУВАТЕ СО НЕГО КАКО СО ПРИЈАТЕЛКИТЕ?
Не само пријателот, туку и момчето не е воодушевено кога ќе го прашате што да носите. Не заборавајте дека сепак тој е маж, за него секогаш ќе биде подобар фустанот со подлабоко деколте.
Тој не е жена за да ги разбере женските шифри. Вие му велите дека планирате цела вечер да се давите во сладолед и слатки, а тој се прашува која торта сте ја направиле овој пат. Ни на крај памет нема да се сети дека вие сте во депресија.
Не значи дека тој си го пресекол пенисот штом излегол со вас и вашите пријателки. Навистна е фрустирачки кога и за него порачувате коктел наместо пиво или го терате да застане покрај момчето што ви се допаѓа.
