.gif)
Бракот е заедница во која се соработува на секое поле, па така со заеднички сили и љубов за многу пократко време можете да си обезбедите услови за живот.
Новите времиња ни донесоа и нови трендови. Да, можете да разберете дека ова е време кога голем дел од луѓето се определуваат да завршат факултет, професионално да се реализираат, па дури потоа да се омажат и нормално дека просекот за стапување во брак од 20 години се зголеми на во просек 27 годишна возраст.
Бабите и дедовците ви се чудат и секој ден копнеат правнучиња да им трчкаат низ дома, а вие ладнокрвно реагирате на тоа „Има време".
Секој период во животот носи своја убавина, но зошто да се избрзувате и дискотеките да ги замените со ноќни лулања на вашето бебенце? И досега ви се допаѓаше ова... Се реализиравте на другите полиња, а бракот и семејството беа јаготка на шлагот матен отприлика околу 27 години.
Но започна да ве загрижува фактот што ова како да им се допадна на мажите, а тројката напред е еден од ретките мотиви кои може да ги натера да стапат во брак. Ноќните излегувања, безгрижните седенки со другарите, литри пиво и многу девојки се дел од нивното секојдневие. На моменти дури и помислувате дали се уште не сфатил дека јас сум вистинската и после 4/5/6 години во врска тој се уште не е сигурен да ја побара мојата рака?
Причините поради кои денешните мажи се повеќе живеат во кожата на вечните ергени:
- Далеку од тоа дека е лошо да се остане годинка, две, три подолго активен во ноќниот живот, да се промени некоја девојка повеќе, а дома да уживаат во улогата на галено мамино синче, кое нема потреба да размислува да плати сметки за струја, вода или пак да не споменуваме да двои од платата за да купува бебешки пелени. Девојки никогаш доволно, но и да ја има пронајдено таа вистинската секогаш е подобро кога има на миг каде да избега од неа.
- Дваесет и девет годишни сингл момчиња... Во последно време се почесто ги среќаваме. Најчесто зад себе имаат некоја неуспешна долгогодишна врска, после која било потребно некоја година за да се вратат во форма или пак едноставно некоја година на незауздан „расипнички" живот и повеќе авантури од по една ноќ, за повторно да се стават во кошничката на момчиња за озбилно.
- Третиот, а можеби и најрелевантен фактор е лошата финансиска состојба односно немањето сопствен стан, автомобил, стабилна работа и слично. Ова нивно размислување од една страна колку е правилно, од друга страна толку е погрешно. И вие сами разбирате колку им е важно ова да биде средено пред на своите плеќи да го земат товарот да ве чуваат вас, а релативно скоро можеби и вашето дете.
Ова е навистина зрело размислување, но од друга страна гледно на тој начин тие можеби и никогаш нема да ги обезбедат сите овие услови за живот. Дали тоа значи дека вие доживотно ќе бидете момче и девојка кои ќе поминуваат секоја вечер до крајот на животот по 10 километри за да се видат?
Бракот е заедница во која се соработува на секое поле, па така со заеднички сили и љубов за многу пократко време можете да си обезбедите услови за живот. Објаснете му го ова на своето момче и заедно тргнете во поход. А на крајот на краиштата, зар љубовта не заслужува жртва? Дали вие би се впуштиле со своето момче во оваа животна авантура ако се уште ги немате сите животни услови?
-
Модерниот маж бара доверлива, секси сингл девојка со која може да има долга врска. ... -
Владо Јаневски за твоите очи кои матат нечиј ум и за мажот кој сака да ве сретне некогаш и негде повторно. ... -
Сите ние сме имале по еден Aidan и Mr. Big во животот, сме се држеле за рака или сме имале див секс. ...
.gif)
