NotForMen

Одамна е докажано во науката дека мажите се биолошки изградени да обрнуваат внимание на одредени делови од телото на жената, како на пример колковите и косата, за да откријат дали таа е здрава. Тоа е остаток од пештерските денови кога мажите избираа партнерка која визуелно мора да изгледа дека е плодна и дека ќе биде добра идна мајка.

Веќе знаете...

Можеби токму и затоа се вашите стресови што да облечете на првиот состанок, затоа што нели првиот оставен впечаток е пресудниот.

Мажите обрнуваат внимание на вашата насмевка, коса, колкови, тонот на гласот, сјајноста на кожата, очите и што е лажно на вас (трепки, нокти итн.).

Изненадувачко откритие

Но истражувачите штотуку открија изненадувачка нова информација за мажите, но и за сите останати, како не проценуваат нас жените.

Испадна дека луѓето се програмирани да гледаат во белката од очите на останатите и според нејзината белина да ве проценуваат.

Симболика

Да, звучи помалку лудо, но според новата студија објавена во весникот Ethology, луѓето потсвесно потемните белки од очите ги поврзуваат со лошо здравје и слаба способност за репродукција.

Не дека ако сретнете момче ден после вашата бурна ноќ со само 3 часа сон и белките не ви се толку светли тој по автоматизам ќе биде незаинтересиран.

Но според истражувањето белката овозможува и на обичните, нетренирани набљудувачи да направат брза проценка на вашата емотивна и здравствена состојба. Не само што луѓето ја забележуваат бојата, туку тоа влијае на нивното однесување и акции насочени кон вас.