NotForMen

Можеби и вие сте имале искуство со вакви партнери или барем со еден од нив, а искуството ја потврдило листата на топ 4 „непожелни“ момчиња. На прв поглед тој ви изгледаше привлечно, но потоа сфативте дека не може да го контролира тонот на својот глас, нема манири или пие алкохол и се забавува 24/7, а вие сте премногу млада за да вложите толку труд во неговото превоспитување. Секогаш трудете се да го откриете при првото видување!

  Мистер Егоистичен

Тој постојано ве потсетува колку е најдобар, најубав, најпаметен.. Секогаш говори во прво лице, а неретко речениците му започнуваат со „Јас направив“. Тој е тип кој се сака себе премногу и има его до плафонот. Не е добар слушател и разговорот за вашите успеси секогаш ќе го пренасочи во разговор за неговите успеси, неговата нова кола или неговата неодолива насмевка.

Мистер Скржав

Еднаш, не така одамна, момчињата им плаќаа пијачки и им купуваа цвеќиња на своите девојки. Кога сте на состанок момчето најмалку треба да ја покаже својата скржава страна. Од него не се бара скапи вечери и раскошни ручеци, но културно е од време на време да го плати кафето.

Мистер Дрзок

Ова е најверојатно типот кој најмногу ги иритира жените и секако треба да го избегнувате. Набљудувајте го начинот на кој тој комуницира со луѓето. Некултурните изрази и несоодветните гестови не треба воопшто да се толерираат, од двете страни. И ако е некултурен кон другите многу скоро ќе се постави така и кон вас. Зошто да дозволите некому да ви се обраќа со повишен тон без причина или да ве срами пред пријателките? Барем ронка почит сте заслужиле сигурно.

Мистер Party 24/7

Иако забавувањето и дискотеките се нормални кога сте во врска, секој ден од секој викенд е сепак премногу. Лудите забави секој викенд чинат пари, а пиењето алкохол секој викенд во огромни количини и не е така добра навика. Ако уште се однесува поинаку со вас од кога ќе се напие и ви прави сцени, тогаш е веќе премногу.